કોંગ્રેસના નેતાઓનો એડિટેડ ફોટો ખોટા દાવા સાથે વાયરલ કરવામાં આવી રહ્યો… જાણો શું છે સત્ય….

કોંગ્રેસના નેતાઓના ફોટોમાં પાછળની દિવાલ પર લાગેલો ફોટો ડિજીટલી એડિટ કરવામાં આવ્યો છે. તેને ખોટી માહિતી સાથે સોશિયલ મીડિયામાં વાયરલ કરવામાં આવી રહ્યો છે.

કર્ણાટક વિધાનસભામાં કોંગ્રેસની જીત થયા બાદ કોંગ્રેસના નેતાઓને ફોટો સોશિયલ મીડિયામાં વાયરલ થઈ રહ્યો છે. જેમાં કોંગ્રેસ પ્રમુખ મલિકા અર્જુન ખડકે, સિદ્ધારમૈયા, ડીકે શિવકુમાર સહિતના નેતાનો ફોટો વાયરલ થઈ રહ્યો છે. જેની પાછળ દિવાલમાં એક ફોટો ફ્રેમમાં જોઈ શકાય છે કે નેહરૂજીનો ફોટો છે, આ વિડિયોને શેર કરીને દાવો કરવામાં આવી રહ્યો છે કે, “કોંગ્રેસના નેતાઓની ઓફિસમાં નેહરૂ મહિલા સાથે સિગારેટ પી રહ્યો હોવાનો ફોટો લગાવવામાં આવ્યો છે.”

શું દાવો કરવામાં આવી રહ્યો છે.?

પ્રહાર નામના ફેસબુક યુઝર દ્વારા તારીખ 19 મે 2023ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “કોંગ્રેસના નેતાઓની ઓફિસમાં નેહરૂ મહિલા સાથે સિગારેટ પી રહ્યો હોવાનો ફોટો લગાવવામાં આવ્યો છે.”

Facebook | Fb post Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.

ઉપરોક્ત પરિણામો પરથી અમને એએનઆઈ દ્વારા 18 મે 2023ના કરવામાં આવેલુ ટ્વિટ પ્રાપ્ત થયુ હતુ. જે ટ્વિટમાં ઓરિજનલ ફોટો સાથે માહિતી આપવામાં આવી હતી કે, “કોંગ્રેસના નેતાઓ સિદ્ધારમૈયા અને ડીકે શિવકુમાર દિલ્હીમાં પાર્ટી અધ્યક્ષ મલ્લિકાર્જુન ખડગેને મળ્યા.”

Congress leaders Siddaramaiah & DK Shivakumar meet party president Mallikarjun Kharge in Delhi pic.twitter.com/v1fgCxTOOC

— ANI (@ANI) May 18, 2023

Archive

તેમજ આ મુલાકાતની અન્ય તસ્વીર પણ સિદ્ધારમૈયા દ્વારા તેમના ઓફિશિયલ ટ્વિટર એકાઉન્ટ પર શેર કરી હતી. જેમાં પણ તમે નેતાઓની પાછળની ઓરિજનલ પેન્ટિંગ જોઈ શકાય છે. જે તમે નીચે જોઈ શકો છો.

We will always join our hands to protect the interests of Kannadigas.

Congress party will work as a family to provide transparent & corruption free governance, and to implement our guarantees. pic.twitter.com/wxfujWOUCF

— Siddaramaiah (@siddaramaiah) May 18, 2023

Archive

ઓરિજનલ ફોટો અને વાયરલ થઈ રહેલી તસ્વીર વચ્ચેનો તફાવત તમે નીચે જોઈ શકો છો.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, કોંગ્રેસના નેતાઓના ફોટોમાં પાછળની દિવાલ પર લાગેલો ફોટો ડિજીટલી એડિટ કરવામાં આવ્યો છે. તેને ખોટી માહિતી સાથે સોશિયલ મીડિયામાં વાયરલ કરવામાં આવી રહ્યો છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)