શું ખરેખર દ્રૌપદી મુર્મુ મહિલા કુસ્તીબાજોને ન્યાય આપવાની વાત કરી રહી છે….? જાણો શું છે સત્ય….

આ વીડિયો અધૂરો છે અને ખોટા દાવા સાથે શેર કરવામાં આવી રહ્યો છે. આમાં દ્રૌપદી મુર્મુ મહિલા રેસલર્સની વાત નથી કરી રહી.

રાષ્ટ્રપતિ દ્રૌપદી મુર્મુનો એક વીડિયો ઈન્ટરનેટ પર વાયરલ થઈ રહ્યો છે. તેમાં તમે તેમને એમ કહેતા સાંભળી શકો છો કે “તેમને ન્યાય મળવો જોઈએ, તે અમારી અને તમારી જવાબદારી છે. મુખ્ય ન્યાયાધીશ અને સુપ્રીમ કોર્ટ સિવાય કોઈ કોર્ટ નથી.” આ વીડિયોને શેર કરીને દાવો કરવામાં આવી રહ્યો છે કે, “દ્રૌપદી મુર્મુ વિરોધ કરી રહેલી મહિલા કુસ્તીબાજોને ન્યાય આપવાની વાત કરી રહી છે.”

શું દાવો કરવામાં આવી રહ્યો છે.?

Indrajit Parmar નામના ફેસબુક યુઝર દ્વારા તારીખ 04 જૂન 2023ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “દ્રૌપદી મુર્મુ વિરોધ કરી રહેલી મહિલા કુસ્તીબાજોને ન્યાય આપવાની વાત કરી રહી છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે આ વીડિયોને તેનો અસલ વીડિયો શોધીને ચકાસ્યો છે. વાયરલ વીડિયોમાં તમે ન્યૂઝ 24નો લોગો જોઈ શકો છો, અમે તેના આધારે યુટ્યુબ પર કીવર્ડ સર્ચ કર્યું છે. ત્યાં અમને આ વીડિયો 1લી જૂને પ્રસારિત થયેલો હોવાનું જોવા મળ્યુ હતુ. આમાં તમે દ્રૌપદી મુર્મુને કોર્ટ કેસ અને ન્યાય વિશે વાત કરતા જોઈ શકો છો. તેમાં તમે તેમને એમ કહેતા સાંભળી શકો છો કે, કેટલાક લોકોને કોર્ટ કેસ જીત્યા પછી પણ ન્યાય નથી મળતો. અને તેમને સાચા અર્થમાં ન્યાય આપવાની જવાબદારી તમારી છે. તે આ વાત ચીફ જસ્ટિસ, વકીલ અને તેની સામે બેઠેલા કાયદા અને ન્યાય મંત્રીને કહી રહી છે. આમાં તેણે ક્યાંય મહિલા રેસલર્સ વિશે વાત કરી નથી. તમે નીચે આપેલ વીડિયોમાં જોઈ શકો છો.

આગળ જતાં, અમને 24 મેના રોજ ભારતના રાષ્ટ્રપતિની અધિકૃત ચેનલ પર પ્રસારિત આ વીડિયોનું લાંબુ સંસ્કરણ મળ્યું. તેની સાથે આપવામાં આવેલી માહિતીમાં કહેવામાં આવ્યું છે કે, રાષ્ટ્રપતિ દ્રૌપદી મુર્મુએ ઝારખંડ હાઈકોર્ટના નવા બિલ્ડિંગનું ઉદ્ઘાટન કર્યું. અને તે દરમિયાન તેમણે આ ભાષણ આપ્યું હતું.

અમે જોયું કે આમાં પણ દ્રૌપદી મુર્મુ ક્યાંય મહિલા રેસલર્સની વાત નથી કરી રહી.

આના પરથી આપણે કહી શકીએ કે વાયરલ વીડિયો સાથે ખોટો દાવો કરવામાં આવી રહ્યો છે અને તેને અધૂરો શેર કરવામાં આવી રહ્યો છે.

તમને જણાવી દઈએ કે પીઆઈબીની વેબસાઈટ પર આપવામાં આવેલી માહિતીમાં કહેવામાં આવ્યું હતું કે આ કાર્યક્રમ 24 મેના રોજ ઝારખંડની રાજધાની રાંચીમાં થયો હતો.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, વાયરલ વીડિયો સાથે કરવામાં આવેલો દાવો ખોટો છે. આ વીડિયો અધૂરો છે. આમા દ્રૌપદી મુર્મુ મહિલા રેસલરોને ન્યાય આપવાની વાત નથી કરી રહી.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)