નરેન્દ્ર મોદી અને આમ આદમી પાર્ટીનું બેનર ખોટા દાવા સાથે વાયરલ… જાણો શું છે સત્ય….

દિલ્હીના મુખ્યમંત્રી અરવિંદ કેજરીવાલ અને પંજાબના મુખ્યમંત્રી ભગવંત માન દ્વારા ગુજરાતના મદાવાદમાં ભવ્ય રેલીનું આયોજન કરવામાં આવ્યુ હતુ. જેનો સારો એવો પ્રતિસાદ મળ્યો હતો. આ વચ્ચે સોશિયલ મિડિયામાં પ્રધાનમંત્રીનો એક ફોટો સોશિયલ મિડિયામાં વાયરલ થઈ રહ્યો છે. જેમાં તેમની કાર માંથી બહારના ભાગે એક આમ આદમી પાર્ટીનું હોર્ડિગ વાંચી શકાય છે. આ ફોટોને શેર કરીને દાવો કરવામાં આવી રહ્યો છે કે, “નરેન્દ્ર મોદીની કાર બહાર આદ આદમી પાર્ટીનું હોર્ડિંગ લગાવેલુ વાંચી શકાય છે.”

ફેક્ટ ક્રેસન્ડોની પડતાલમાં આ દાવો ખોટો સાબિત થયો છે. કારણ કે, પોસ્ટ સાથે શેર કરવામાં આવેલો નરેન્દ્ર મોદીનો ફોટો એડિટેડ છે. ઓરિજનલ ફોટોમાં KING is coming નામનું હોર્ડિંગ લાગેલુ જોવા મળે છે. લોકોમાં ભ્રામક્તા ફેલાવવા આ ફોટોને શેર કરવામાં આવી રહ્યો છે.

શું દાવો કરવામાં આવી રહ્યો છે.?

Ajay Dudhat નામના ફેસબુક યુઝર દ્વારા તારીખ 31 માર્ચ 2022ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “નરેન્દ્ર મોદીની કાર બહાર આદ આદમી પાર્ટીનું હોર્ડિંગ લગાવેલુ વાંચી શકાય છે.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે પોસ્ટ સાથે શેર કરવામાં આવેલા ફોટોને ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.

ઉપરોક્ત પરિણામો પરથી અમને રિક્રએશન મિડિયા દ્વારા 11 માર્ચ 2022ના તેમના ફેસબુક પેજ પર કરવામાં આવેલી ઓરિજનલ પોસ્ટ પ્રાપ્ત થઈ હતી. જેમાં જોઈ શકાય છ. નરેન્દ્ર મોદીની કાર બહાર “KING is coming” લખેલુ બોર્ડ વાંચી શકાય છે. આ પોસ્ટ તમે નીચે જોઈ શકો છો.

ફેસબુક | સંગ્રહ

તેમજ અમે વધુ સર્ચ કરતા અમને ન્યુઝ18 ગુજરાતી દ્વારા પણ તેમના અહેવાલમાં આ ફોટોને પ્રસારિત કરવામાં આવ્યો હતો. જે તમે નીચે જોઈ શકો છો.

ન્યુઝ18ગુજરાતી 

સ્વાગત ગ્રુપ દ્વારા માર્ચ મહિનામાં અમદાવાદ શહેરમાં ‘King Is Coming’ ના હોર્ડિગ લગાડવામાં આવ્યા હતા. જે તમે તેમના ફેસબુક પેજ પર વાંચી શકો છો.

તેમજ ઓરિજિનલ ઈમેજ અને વાયરલ થઈ રહેલી એડિટેડ ઈમેજની તસ્વીર વચ્ચેનો તફાવત તમે નીચે જોઈ શકો છો.

નરેન્દ્ર મોદીની કાર માંથી જોવા મળતુ બેનર આમ આદમી પાર્ટી દ્વારા તેમના સોશિયલ મિડિયા એકાઉન્ટ પર અપલોડ કરવામાં આવ્યુ હતુ. જે તમે નીચે જોઈ શકો છો.

FACEBOOK

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો નરેન્દ્ર મોદીનો ફોટો એડિટેડ છે. ઓરિજનલ ફોટોમાં KING is coming નામનું હોર્ડિંગ લાગેલુ જોવા મળે છે. લોકોમાં ભ્રામક્તા ફેલાવવા આ ફોટોને શેર કરવામાં આવી રહ્યો છે.