હિજાબના વિરોધનો આ વીડિયો ઈરાનનો નહીં પરંતુ ફ્રાંસનો છે… જાણો શું છે સત્ય….

વાયરલ વીડિયો ઈરાનનો નથી, પરંતુ ઈરાની વિરોધીઓના સમર્થનમાં પેરિસમાં યોજાયેલી એકતા રેલીનો છે. તેને ખોટી રીતે ઈરાનના નામે શેર કરવામાં આવી રહ્યો છે.

ઈરાનમાં સરકાર વિરોધી વિરોધ પ્રદર્શનો વચ્ચે, વિવિધ સોશિયલ મીડિયા પ્લેટફોર્મ પર એક વીડિયો વાયરલ થયો છે જેમાં એક મહિલા પોતાનો હિજાબ કાઢીને જાહેરમાં ફેંકી દે છે. આ વીડિયોને શેર કરીને દાવો કરવામાં આવી રહ્યો છે કે, “આ વીડિયો ઈરાનમાં હાલમાં થઈ રહેલા એક પ્રદર્શનનો છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 13 જાન્યુઆરી 2026ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “આ વીડિયો ઈરાનમાં હાલમાં થઈ રહેલા એક પ્રદર્શનનો છે.”

Facebook 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

વાયરલ વીડિયોને અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.

ઉપરોક્ત પરિણામો પરથી અમને @CarinaBelome નામના વેરિફાયડ ટ્વિટર હેન્ડલ પર આ વીડિયો પ્રાપ્ત થયો હતો. જેની સાથે માહિતી આપવામાં આવી હતી કે, “આ ફ્રાન્સના પેરિસમાં થયેલા વિરોધ પ્રદર્શનનો વીડિયો છે.”

Camille Eros confronta corajosamente o ditador do Irã, tirando o véu que massacra milhares de mulheres todos os anos, desde 1979, após a revolução islâmica que, desde então, mudou drasticamente o rumo de uma nação.
Com um recado real e ousado, Camille representa o que nenhum… pic.twitter.com/kWBJPS16W6

— Carìna Belomé (@CarinaBelome) January 12, 2026

Archive 

અમને આ વીડિયો કેમિલ ઇરોસના વેરિફાઇડ ઇન્સ્ટાગ્રામ હેન્ડલ અને ટ્વિટર હેન્ડલ પર પણ મળ્યો. આપેલી માહિતી અનુસાર, આ ઈરાનની “સરમુખત્યારશાહી” સામે પેરિસમાં થયેલા વિરોધ પ્રદર્શનનો વીડિયો છે.

Dear @khamenei_ir,

Fuck your terrorist ass.

Sincerely, pic.twitter.com/rrJhmXCS6E

— Camille Eros (@camille_eros) January 11, 2026

Archive

અમારી વધુ શોધમાં 12 જાન્યુઆરીના રોજ Euronews.com પર પ્રકાશિત એક અહેવાલ પ્રાપ્ત થયો હતો, જેમાં ઈરાની વિરોધીઓ અને દેશનિકાલ કરાયેલા ક્રાઉન પ્રિન્સના સમર્થનમાં પેરિસમાં થયેલી રેલીનો ઉલ્લેખ છે.

આ વિરોધનો ઉલ્લેખ સમાચાર એજન્સી AP ના એક અહેવાલમાં પણ કરવામાં આવ્યો છે. અહેવાલ મુજબ, પેરિસ ઉપરાંત, ઈરાનમાં ચાલી રહેલા વિરોધ પ્રદર્શનોના સમર્થનમાં લંડનમાં પણ રેલીઓ યોજાઈ હતી.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો ઈરાનનો નથી, પરંતુ ઈરાની વિરોધીઓના સમર્થનમાં પેરિસમાં યોજાયેલી એકતા રેલીનો છે. તેને ખોટી રીતે ઈરાનના નામે શેર કરવામાં આવી રહ્યો છે. 

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)