તાજેતરમાં, તમિલનાડુના મુખ્યમંત્રી વિજય થલાપતિનો એક વીડિયો સોશિયલ મીડિયા પર વાયરલ થયો હતો, જેમાં દાવો કરવામાં આવ્યો હતો કે. “તેઓ સોનમ વાંગચુકના વિરોધ પ્રદર્શનમાં તેમને ટેકો આપવા માટે જંતર-મંતર પહોંચ્યા હતા.”
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
અમે સંબંધિત કીવર્ડ શોધ કરીને અમારી તપાસ શરૂ કરી. અમને વિજય થલાપતિએ જંતર-મંતરની મુલાકાત લીધી હોય તેવા કોઈ વિશ્વસનીય સમાચાર મળ્યા નથી.
આગળ વધતા, અમે વાયરલ વીડિયોના સ્ક્રીનશોટની રિવર્સ ઇમેજ શોધ કરી. દરમિયાન અમને એક યુટ્યુબ ચેનલ પર લઈ ગયું જ્યાં અમને 13 જુલાઈ, 2026 ના રોજ અપલોડ કરાયેલ વાયરલ વીડિયો જેવો જ એક વીડિયો મળ્યો.
વીડિયોના કેપ્શન મુજબ, આ વીડિયોમાં વિજય થલાપતિની પેરામ્બુરની મુલાકાત બતાવવામાં આવી છે.
આ સંકેતને આધારે, અમે સંબંધિત કીવર્ડ શોધ હાથ ધરી. આ અમને ઇન્ડિયા ટુડેની સત્તાવાર યુટ્યુબ ચેનલ પર લઈ ગયું, જ્યાં અમને વાયરલ વિડિઓ સાથે મેળ ખાતી ક્લિપ મળી.
કેપ્શન મુજબ, આ વીડિયો વિજય થલાપતિની ચૂંટણી પછીની પહેલી સત્તાવાર પેરામ્બુર મુલાકાતનો છે. વીડિયોનું વર્ણન એવું છે કે, “તામિલનાડુના નવા ચૂંટાયેલા મુખ્યમંત્રીએ વિધાનસભા કાર્યાલયનું ઉદ્ઘાટન કરવા અને રાજ્ય રેશન કાર્ડ વિતરણ કાર્યક્રમ શરૂ કરવા માટે જાળવી રાખેલા મતવિસ્તારની પહેલી સત્તાવાર મુલાકાત લીધી. સ્કૂલના બાળકો અને વૃદ્ધો સહિત હજારો નાગરિકો, અભિનેતાથી રાજકારણી બનેલા આ નેતાના આગમનને જોવા માટે ઊંચા તાપમાન છતાં કલાકો સુધી એકઠા થયા હતા. મુલાકાત દરમિયાન, રાજ્યના નેતાએ સ્થાનિક બસ ડેપોના માળખાનું નિરીક્ષણ કર્યું અને કલ્યાણ લાભાર્થીઓ સાથે વાતચીત કરી. સુરક્ષા કર્મચારીઓએ ઘણા કિલોમીટર સુધી રસ્તાઓ પર લાઇન લગાવેલી મોટી ભીડનું સંચાલન કર્યું. મતદારોએ વિવિધ નાગરિક ચિંતાઓ વ્યક્ત કરી, જેમાં એક યુવાન વિદ્યાર્થી સ્કૂલ બેગનું વજન ઘટાડવાની વિનંતી કરી રહ્યો હતો. આ મુલાકાત રાજ્યના નેતાના સિનેમા કલાકારથી વહીવટી ફરજો સંભાળતી રાજકીય વ્યક્તિમાં પરિવર્તનને પ્રકાશિત કરે છે. નેતા રાજ્ય સચિવાલયમાં કડક દૈનિક સમયપત્રક જાળવી રાખે છે અને વિરોધ પક્ષો સાથે મૌખિક રાજકીય મુકાબલામાં ભાગ લેવાને બદલે જાહેર ફરિયાદો સાંભળવા પર ધ્યાન કેન્દ્રિત કરે છે.”
NDTV ના સત્તાવાર યુટ્યુબ ચેનલ પરનો બીજો અહેવાલ નીચે જોઈ શકાય છે.
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, વાયરલ વીડિયોમાં તમિલનાડુના મુખ્યમંત્રી વિજય થલાપતિની સોનમ વાંગચુકને ટેકો આપવા માટે જંતર-મંતરની મુલાકાતનો નથી. આ વીડિયો ચૂંટણી પછી વિજય થલાપતિની પહેલી સત્તાવાર પેરામ્બુર મુલાકાતનો છે.
Title: સોનમ વાંગચુકને સમર્થન આપવા જંતર-મંતર પહોંચ્યા વિજય થલાપતિ…? જાણો શું છે સત્ય..
Fact Check By: FRANY KARIA
Result: False
