તિરંગાના રંગે રંગાયેલા મુંબઈના બોરીવલીના ઓવરબ્રિજના નામે વાયરલ થઈ રહેલા વીડિયોનું જાણો શું છે સત્ય….

તાજેતરમાં સોશિયલ મીડિયા પર તિરંગાના રંગે રંગાયેલા ઓવરબ્રિજનો એક વીડિયો વાયરલ થઈ રહ્યો છે. આ વીડિયો સાથેના લખાણમાં એવો દાવો કરવામાં આવી રહ્યો છે કે, તિરંગાના રંગે રંગાયેલા ઓવરબ્રિજનો આ વીડિયો મુંબઈના બોરીવલી ખાતેના ઓવરબ્રિજનો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં તિરંગાના રંગે રંગાયેલા ઓવરબ્રિજનો જે વીડિયો મૂકવામાં આવ્યો છે એ મુંબઈના બોરીવલીનો નહીં પરંતુ રાજસ્થાનના જયપુર ખાતેના ઓવરબ્રિજનો છે.. આ વીડિયોને મુંબઈ સાથે કોઈ જ સંબંધ નથી. આ વીડિયોને સોશિયલ મીડિયા પર ખોટી અને ભ્રામક માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

Asvin Kamdar નામના ફેસબુક યુઝર દ્વારા 10 ઓગષ્ટ, 2022 ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયોના શીર્ષકમાં એવું લખવામાં આવ્યું છે કે, વંદેમાતરમ. પોસ્ટમાં મૂકવામાં આવેલા વીડિયો સાથેના લખાણમાં એવો દાવો કરવામાં આવી રહ્યો છે કે, આ વીડિયો મુંબઈના બોરીવલી ખાતેના ઓવરબ્રિજનો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વીડિયોનો એક સ્ક્રીનશોટ લઈને સર્ચ કરતાં અમને એક ટ્વિટર યુઝર દ્વારા પોસ્ટમાં મૂકવામાં આવેલા આજ વીડિયો 8 ઓગષ્ટ, 2022 ના રોજ અપલોડ કરવામાં આવ્યો હોવાની માહિતી પ્રાપ્ત થઈ હતી. જેમાં એવી માહિતી આપવામાં આવી હતી કે, રાજસ્થાનના જયપુર ખાતેના 22 ગોદામ ફ્લાયઓવરનો આ વીડિયો છે.

आजादी का अमृत महोत्सव। 22 गोदाम फ्लाईओवर, जयपुर। pic.twitter.com/MsLcruPoxl

— Yogendra Singh Sikarwar (@ProfYogendra) August 8, 2022

Archive

ત્યાર બાદ અમને રાજસ્થાન અને જયપુર મેટ્રોસિટી નામના ઈન્સ્ટાગ્રામ પર પણ આજ વીડિયો પ્રાપ્ત થયો હતો. જેમાં પણ આ વીડિયો જયપુરનો હોવાની માહિતી આપવામાં આવી હતી. 

અમારી વધુ તપાસમાં અમને આવા જ દ્રશ્યો સાથેના વીડિયો સમાચાર ફર્સ્ટ ઈન્ડિયા ન્યૂઝ દ્વારા 4 ઓગષ્ટ, 2022 ના રોજ પ્રસારિત કરવામાં આવ્યા હોવાની માહિતી પ્રાપ્ત થઈ હતી. જેમાં પણ આ વીડિયો જયપુરનો હોવાની માહિતી આપવામાં આવી છે.

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં તિરંગાના રંગે રંગાયેલા ઓવરબ્રિજનો જે વીડિયો મૂકવામાં આવ્યો છે એ મુંબઈના બોરીવલીનો નહીં પરંતુ રાજસ્થાનના જયપુર ખાતેના ઓવરબ્રિજનો છે.. આ વીડિયોને મુંબઈ સાથે કોઈ જ સંબંધ નથી.