ઉજાણી ડેમના તિરંગાના દ્રશ્યને ગુજરાતના શેત્રુંજી ડેમના નામથી વાયરલ કરવામાં આવી રહ્યુ... જાણો શું છે સત્ય....

પોસ્ટ સાથે શેર કરવામાં આવેલો વિડિયો ગુજરાતના શેંત્રુજી ડેમનું નહિં પરંતુ મહારાષ્ટ્રના ઉજાણી ડેમનો હોવાનું સાબિત થાય છે.

આઝાદી કા અમૃત મહોત્સવ અંતર્ગત દેશભરમાં ઘણા વિડિયો વાયરલ થયા અને સમગ્ર દેશમાં 15 ઓગસ્ટના ખૂબ સારી ઉજવણી થઈ હતી. ત્યારે હાલમાં એક વિડિયો વાયરલ થઈ રહ્યો છે જેમાં ડેમ માંથી બહાર નિકળતા પાણી પર તિરંગાથી લાઈટિંગ કરવામાં આવી છે. આ વિડિયોને શેર કરીને દાવો કરવામાં આવી રહ્યો છે કે, “પોસ્ટ સાથે શેર કરવામાં આવેલો વિડિયો ગુજરાતના શેત્રુંજી ડેમનો છે.”

શું દાવો કરવામાં આવી રહ્યો છે.?

ગુજરાત હવામાન સમાચાર નામના ફેસબુક યુઝર દ્વારા તારીખ 14 ઓગસ્ટ 2022ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “પોસ્ટ સાથે શેર કરવામાં આવેલો વિડિયો ગુજરાતના શેત્રુંજી ડેમનો છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે પોસ્ટ સાથે શેર કરવામાં આવેલા વિડિયોનો સ્ક્રિનશોટ લઈ અને ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.

ઉપરોક્ત પરિણામો પરથી અમને TV9 Marathi ની ઓફિશિયલ યુટ્યુબ ચેનલ પર આ જ વિડિયો તેમજ આ જ ડેમના અન્ય વિડિયો પ્રસારિત કરવામાં આવ્યા હતા. જેમાં માહિતી આપવામાં આવી હતી કે, “આ વિડિયો મહારાષ્ટ્રના ઉજાણી ડેમનો છે.”

તેમજ વધુ સર્ચ કરતા અમને આ જ વિડિયો ટ્વિટર પ્રાપ્ત થયો હતો. ANI દ્વારા આ વિડિયોને શેર કરીને માહિતી આપવામાં આવી હતી કે, “આઝાદી કા અમૃતમહોત્સવ અને હરઘર તિરંગા અભિયાનના ભાગ રૂપે મહારાષ્ટ્રના સોલાપુર જિલ્લામાં ઉજાણી ડેમને ત્રિરંગામાં ઝળહળતો કરવામાં આવ્યો.” આ વિડિયો માહિતીવિભાગ પુણે દ્વારા શેર કરવામાં આવ્યો હતો.

#WATCH | Maharashtra: As a part of #AzadiKaAmritMahotsav & #HarGharTirangaCampaign, Ujani Dam in Solapur district illuminated in tricolours

(Source: District Information Office, Pune) pic.twitter.com/sbOczHCsoh

— ANI (@ANI) August 13, 2022

Archive

તેમજ પુના માહિતી વિભાગ દ્વારા આ વિડિયોને તેમના ઓફિશિયલ ટ્વિટર એકાઉન્ટ પરથી પણ શેર કરવામાં આવ્યો હતો, જે તમે નીચે જોઈ શકો છો.

#स्वातंत्र्याचाअमृतमहोत्सव#घरोघरीतिरंगा#उजनीधरण येथील जलोत्सव@PIBMumbai @PIBCulture #HarGharTiranga @AmritMahotsav pic.twitter.com/rL4tDQZpY5

— DISTRICT INFORMATION OFFICE, PUNE (@Info_Pune) August 13, 2022

Archive

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વિડિયો ગુજરાતના શંત્રુજીનો નહિં પરંતુ મહારાષ્ટ્રના ઉજાણી ડેમનો છે. ગુજરાતનો હોવાનો વાત તદ્દન ખોટી છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)