રાજસ્થાનના શ્રી ગંગાનગરમાં 13 વર્ષની બાળકી પર થયેલા સામૂહિક બળાત્કાર બાદ, 32 આરોપીઓમાંથી 14ની ધરપકડ કરવામાં આવી છે. આ પૃષ્ઠભૂમિમાં, પોલીસ કસ્ટડીમાં રહેલા ઘણા પુરૂષોને ભીડની સામે પરેડ કરાવતો એક વીડિયો સોશિયલ મીડિયા પર વાયરલ થયો હતો. વીડિયો શેર કરતા યુઝર્સે દાવો કર્યો હતો કે “આ વીડિયો શ્રી ગંગાનગર બળાત્કાર કેસના આરોપીઓનો છે.”
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
સૌપ્રથમ અમે વાયરલ વીડિયોમાંથી સ્ક્રીનશોટ લઈને અને રિવર્સ ઈમેજ સર્ચ કરીને અમારી તપાસ શરૂ કરી. આનાથી અમને 18 માર્ચ 2026ના રોજ ઝી ન્યૂઝ ગુજરાતીમાં પ્રકાશિત થયેલા એક અહેવાલ મળ્યો, જેમાં વાયરલ વીડિયોના સ્ક્રીનશોટ જેવી જ એક છબી હતી.
આ અહેવાલ સાથે માહિતી આપવામાં આવી હતી કે, “પોલીસ સુરક્ષા વચ્ચે, ઘાતક હથિયારોથી સજ્જ 15 થી 20 લોકોના ટોળાએ રવિવારે મધ્યરાત્રિએ પાટણ જિલ્લાના ચાણસ્મા તાલુકાના જિલિયા ગામમાં ભાવેશ દેસાઈના ફાર્મહાઉસ પર હુમલો કર્યો, પથ્થરમારો કર્યો અને સનસનાટી મચાવી દીધી. આ હુમલામાં સુરક્ષા માટે આવેલી ચાણસ્મા પોલીસની બોલેરો કાર અને 112 વાનના કાચ તોડી નાખવામાં આવ્યા હતા. આ બધા વચ્ચે, સૌથી ચોંકાવનારા દ્રશ્યો પ્રકાશમાં આવ્યા છે. સુરક્ષા માટે તૈનાત પોલીસ ગુંડાઓને જોઈને ભાગી રહી હતી. હુમલાખોરોનો આતંક જોઈને, પોલીસ વાહન વધુ પોલીસ ફોર્સ મેળવવા માટે ચાણસ્મા પરત ફર્યું. આ દરમિયાન, હુમલાખોરોએ ફાર્મહાઉસના ગેટમાં ભારે તોડફોડ કરી હતી. ઘટના બાદ, અલગ અલગ ટીમો બનાવવામાં આવી હતી, અને લગભગ 18 આરોપીઓની ધરપકડ કરવામાં આવી હતી, અને આજે તેમને જાહેર સરઘસ કાઢીને કાયદાનો પાઠ ભણાવવામાં આવ્યો હતો.
આ ક્લુના આધારે સર્ચ કરતા અમને 19 માર્ચ, 2026ના રોજ News18Gujarati ના સત્તાવાર X હેન્ડલ પર એક ટ્વિટ મળ્યું, જેમાં વાયરલ વીડિયો હતો.
તેમજ વધુ સર્ચ કરતા અમને 19 માર્ચ, 2026ના રોજ ગુજરાતી જાગરણમાં પણ આવો જ એક અહેવાલ પ્રકાશિત થયો હતો, જેમાં વાયરલ વીડિયોના સ્ક્રીનશોટ જેવી જ એક છબી હતી. અહેવાલ મુજબ, પાટણના ચાણસ્માના જિલિયા ગામમાં, એક ટોળાએ એક ફાર્મહાઉસ પર પાર્ક કરેલી પોલીસ કાફલાની વાન પર હુમલો કર્યો હતો. આના પગલે, પોલીસને ભાગવું પડ્યું. આના કારણે પાટણમાં કાયદો અને વ્યવસ્થા ખોરવાઈ ગઈ. પરંતુ, થોડા કલાકોમાં, પાટણ પોલીસે 18 હુમલાખોરોની ધરપકડ કરી.
આનાથી સ્પષ્ટ થાય છે કે વાયરલ વીડિયો જૂનો છે અને શ્રી ગંગાનગર ગેંગરેપ કેસ સાથે સંબંધિત નથી.
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, વાયરલ વીડિયોમાં શ્રી ગંગાનગર ગેંગરેપ કેસના આરોપીઓને પોલીસ દ્વારા પરેડ કરાવતા દેખાતા નથી. આ ગુજરાતના પાટણનો જૂનો વીડિયો છે. જેને ખોટા દાવા સાથે વાયરલ કરવામાં આવી રહ્યો.
Title: પોલીસ દ્વારા ગુનેગારોને પરેડ કરાવવાનો જૂનો વીડિયો શ્રી ગંગાનગર ગેંગરેપના આરોપી તરીકે વાયરલ થઈ રહ્યો… જાણો શું છે સત્ય…
Fact Check By: FRANY KARIA
Result: False
