વાયરલ ટપાલ ટિકિટ તુર્કીના રાષ્ટ્રપતિ દ્વારા 2015ના જી-20 શિખર સંમેલનને યાદગાર બનાવવા માટે બહાર પાડવામાં આવી હતી…

False રાષ્ટ્રીય I National સામાજિક I Social

વડાપ્રધાન મોદીના 71 માં જન્મદિવસની પૃષ્ઠભૂમિ સામે સામાજિક મંચ પર એક ટપાલ ટિકિટની તસવીર શેર કરવામાં આવી રહી છે, તે શેર કરવામાં આવી રહી છે કે આ સ્ટેમ્પ ટિકિટને શેર કરીને દાવો કરવામાં આવી રહ્યો છે કે, “મુસ્લિમ રાષ્ટ્ર તુર્કી દ્વારા વડાપ્રધાન મોદીના સન્માનમાં આ સ્ટેમ્પ બહાર પાડવામાં આવી છે.

ફેક્ટ ક્રેસન્ડોની પડતાલમાં આ દાવો ખોટો સાબિત થયો છે. કારણ કે, પોસ્ટ સાથે શેર કરવામાં આવેલી ટપાલ ટિકિટની તસવીર વર્ષ 2015 ની છે અને G20 સમિટમાં ભાગ લેનાર તમામ વૈશ્વિક નેતાઓ માટે આ પ્રકારની ટિકિટ બહાર પાડવામાં આવી હતી.

શું દાવો કરવામાં આવી રહ્યો છે.?

Naresh Gandhi નામના ફેસબુક યુઝર દ્વારા તારીખ 13 સપ્ટેમ્બર 2021ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “મુસ્લિમ રાષ્ટ્ર તુર્કી દ્વારા વડાપ્રધાન મોદીના સન્માનમાં આ સ્ટેમ્પ બહાર પાડવામાં આવી છે.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. સૌપ્રથમ અમે ગૂગલ પર જૂદા-જૂદા કીવર્ડ સાથે સર્ચ કરતા અમને આ ફોટો નવેમ્બર 2015માં ફ્લિકર વેબસાઇટ પર પ્રાપ્ત થયો હતો, આ ફોટો G20 તુર્કી 2015 નામના એકાઉન્ટ દ્વારા શેર કરવામાં આવી હતી. આ ફોટોનુ વર્ણન કરતા લખવામાં આવ્યું છે કે, G20 તુર્કી કોન્ફરન્સમાં ભાગ લેનારા વિશ્વ નેતાઓના નામે જારી કરાયેલી વ્યક્તિગત ટિકિટો, આ ટિકિટોનું આયોજન તુર્કીના રાષ્ટ્રપતિ રેસેપ તૈયપ એર્દોગને G20 ટર્કિશ લીડર્સ સમિટની ઉજવણીમાં કર્યું હતું. જે અંતાલ્યા (તુર્કી) રજૂ કરવામાં આવ્યું હતું.

18 નવેમ્બર 2015 ના રોજ, G20 તુર્કીએ પણ તેના સત્તાવાર ટ્વિટર એકાઉન્ટ પરથી આ સમાચાર પોસ્ટ કર્યા હતા, જેમાં લખ્યું હતું કે રાષ્ટ્રપતિ એર્દોને #G20 AntalyaSummitમાં ભાગ લેનારા તમામ વિશ્વ નેતાઓની એક ખાસ ટપાલ ટિકિટ સંગ્રહ બહાર પાડ્યું છે.

આ સન્માન G20 (2015)માં સામેલ તમામ વિશ્વ નેતાઓને આપવામાં આવ્યું હતું, જેમાં તત્કાલીન અમેરિકી રાષ્ટ્રપતિ બરાક ઓબામા, રશિયાના રાષ્ટ્રપતિ વ્લાદિમીર પુતિન, ચીનના રાષ્ટ્રપતિ શી જિનપિંગ, યુકેના વડાપ્રધાન ડેવિડ કેમરૂન, ભારતીય વડાપ્રધાન નરેન્દ્ર મોદી સહિત અન્ય વૈશ્વિક નેતાઓ પણ સામેલ હતા. તુર્કી સરકારે આ સમયગાળા દરમિયાન વિશ્વની 19 સૌથી મોટી અને સૌથી શક્તિશાળી અર્થવ્યવસ્થાઓ અને યુરોપિયન યુનિયનના નેતાઓ સહિત કુલ 33 વ્યક્તિગત ટપાલ ટિકિટ બહાર પાડી હતી.

ટપાલ ટિકિટની તસવીર વર્ષ 2015 ની છે અને G20 સમિટમાં ભાગ લેનાર તમામ વૈશ્વિક નેતાઓ માટે આ પ્રકારની ટિકિટ બહાર પાડવામાં આવી હતી, આ સ્ટેમ્પ તાજેતરમાં ઉજવાયેલા વડાપ્રધાન મોદીના 71 માં જન્મદિવસની પૃષ્ઠભૂમિનો આધાર બનાવવામાં આવ્યો હતો. એક ટપાલ ટિકિટ “તુર્કીના મુસ્લિમ રાષ્ટ્ર” દ્વારા જારી કરવામાં આવી તેવુ શેર કરવામાં આવી રહ્યું છે, જોકે એ નોંધવું જોઇએ કે 2015 માં, તુર્કી G20 સમિટમાં ભાગ લેનારા તમામ વૈશ્વિક રાજકારણીઓને સમાન વ્યક્તિગત સ્ટેમ્પ જારી કરવામાં આવ્યા હતા.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલી ટપાલ ટિકિટની તસવીર વર્ષ 2015 ની છે અને G20 સમિટમાં ભાગ લેનાર તમામ વૈશ્વિક નેતાઓ માટે આ પ્રકારની ટિકિટ બહાર પાડવામાં આવી હતી.

Avatar

Title:વાયરલ ટપાલ ટિકિટ તુર્કીના રાષ્ટ્રપતિ દ્વારા 2015ના જી-20 શિખર સંમેલનને યાદગાર બનાવવા માટે બહાર પાડવામાં આવી હતી…

Fact Check By: Yogesh Karia 

Result: False

  •  
  •  
  •  
  •  
  •  
  •  
  •  
  •  

Leave a Reply