શું ખરેખર પોલીસ દ્વારા થિયેટર બહાર પઠાણ ફિલ્મને સુરક્ષા પૂરી પાડી રહી છે…? જાણો શું છે સત્ય…

વાસ્તવિક ફોટો એડિટ કરવામાં આવ્યો હતો. આ જૂની તસવીર છે જ્યારે પદ્માવત ફિલ્મના સ્ક્રિનિંગ દરમિયાન પોલીસ થિયેટરની સુરક્ષા કરી રહી હતી.

શાહરૂખ ખાનની ફિલ્મ પઠાણ છેલ્લા કેટલાક મહિનાઓથી વિવાદોમાં છે. ફિલ્મના એક ગીતમાં દીપિકાના ભગવા કલરના ડ્રેસને લઈને વિવાદ ઊભો થયો હતો. સોશિયલ મીડિયા પર #BoycottPathan ટ્રેન્ડ કરી રહ્યું છે જ્યાં લોકો આ મુદ્દે પોતાનો ગુસ્સો વ્યક્ત કરી રહ્યા છે.

આ જ પૃષ્ઠભૂમિમાં, પઠાણ ફિલ્મના પોસ્ટર સાથે થિયેટરની સુરક્ષા કરતા કેટલાક પોલીસ અને સુરક્ષા અધિકારીઓની એક ફોટો સોશિયલ મીડિયા પર વાયરલ થઈ રહ્યો છે.

આ ફોટોને શેર કરીને દાવો કરવામાં આવી રહ્યો છે કે, “પોલીસ દ્વારા પઠાણ ફિલ્મને લઈ થિયેટર બહાર પોલીસ બંદોબસ્ત ગોઠવી અને સુરક્ષા આપવામાં આવી.”

શું દાવો કરવામાં આવી રહ્યો છે.?

Prakash Pandav નામના ફેસબુક યુઝર દ્વારા તારીખ 22 જાન્યુઆરી 2023ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “પોલીસ દ્વારા પઠાણ ફિલ્મને લઈ થિયેટર બહાર પોલીસ બંદોબસ્ત ગોઠવી અને સુરક્ષા આપવામાં આવી.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ પહેલા અમે પઠાણ ફિલ્મની રિલીઝ ડેટ શોધી કાઢી. ઝીબીઝ વેબસાઈટ પરના અહેવાલ મુજબ, પઠાણ હજુ 25 જાન્યુઆરીએ એડવાન્સ બુકિંગ સાથે થિયેટરમાં રિલીઝ થવાની બાકી છે જે 20 જાન્યુઆરીથી શરૂ થઈ હતી. આ ફિલ્મ 25 એપ્રિલ OTT પર રિલીઝ થવા જઈ રહી છે.

તેથી, પઠાણ ફિલ્મના થિયેટર બહારની સુરક્ષા કરી રહેલા પોલીસ અધિકારીઓનો દાવો શંકાસ્પદ લાગ્યો.

વાયરલ ઈમેજને ગૂગલ રિવર્સ ઈમેજના માધ્યમથી સર્ચ કરતા અમને 26 જાન્યુઆરી 2018ના રોજ ધ ઈન્ડિયન એક્સપ્રેસ વેબસાઈટ પર પ્રકાશિત થયેલ સમાન ફોટો પ્રાપ્ત થયો હતો. આ અહેવાલ અનુસાર, આ ફોટો નવી દિલ્હીના ડિલાઈટ સિનેમાનો છે. પદ્માવતના વિવાદને કારણે દેશમાં સંઘર્ષ અને હિંસાના વાતાવરણને જોતા દિલ્હી પોલીસે સિનેમા હોલની સામે સુરક્ષા પૂરી પાડી હતી. 

25 જાન્યુઆરી 2018ના હિંદુસ્તાન ટાઈમ્સના અહેવાલ અનુસાર, આ ફોટો દિલ્હીમાં પદ્માવતની રિલીઝ પછી એક થિયેટરની બહાર સુરક્ષા ગાર્ડનો છે.

નીચે તમે વાયરલ ઇમેજ અને ઓરિજનલ ઇમેજ વચ્ચેની સરખામણી જોઈ શકો છો.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે કારણ કે, વાસ્તવિક ફોટોને ખોટા દાવા સાથે એડિટ કરીને વાયરલ કરવામાં આવી હતી. વાસ્તવિક ફોટોમાં પોલીસકર્મીઓ પદ્માવતના સ્ક્રિનિંગ દરમિયાન નવી દિલ્હીના એક થિયેટરને સુરક્ષા આપી રહ્યા હતા. આ તસવીરનો SRKના પઠાણ સાથે કોઈ સંબંધ નથી.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)