- >>
- False
શું ખરેખર નયારા એનર્જી દ્વારા ઉનાળામાં પેટ્રોલ ટેન્ક ફુલ ન કરવા ચેતવણી આપી…? જાણો શું છે સત્ય….
નયારા એનર્જી દ્વારા આ પ્રકારે કોઈ ચેતવણી જાહેર કરવામાં આવી નથી. તેમના નામે ફેક મેસેજ વાયરલ કરવામાં આવી રહ્યો હોવાનું જણાવવામાં આવ્યુ હતુ.
હાલમાં ગરમી ત્રુતુ ચાલી રહી છે. લોકો ગરમીના કારણે ત્રાહીમામ પોકારી ઉઠ્યા છે આ વચ્ચે સોશિયલ મીડિયામાં એક મેસેજ વાયરલ થઈ રહ્યો છે જેમાં જણાવવામાં આવી રહ્યુ છે કે, તાપમાનમાં વધારો થતા નયારા એનર્જી દ્વારા ચેતવણી આપવામાં આવી કે વાહનની ટેન્ક ફૂલ ન કરાવી તેના લીધે વિસ્ફોટ ન કરવા જણાવ્યુ.
શું દાવો કરવામાં આવી રહ્યો છે.?
Amit Patel નામના ફેસબુક યુઝર દ્વારા તારીખ 17 મે 2023ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “નયારા એનર્જી દ્વારા ચેતવણી આપવામાં આવી કે વાહનની ટેન્ક ફૂલ ન કરાવી તેના લીધે વિસ્ફોટ ન કરવા જણાવ્યુ.”
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
સૌપ્રથમ અમે ગૂગલ પર જૂદા-જૂદા કીવર્ડ સાથે સર્ચ કરતા અમને નયારા પમ્પસ દ્વારા તેમના ઓફિશિયલ ફેસબુક પેજ પરથી આ મેસેજને લઈ માહિતી શેર કરવામાં આવી હતી કે, “નયારા એનર્જીને આભારી બનાવટી સંદેશાઓથી સાવધ રહો. અમે આવી માહિતીને સમર્થન આપતા નથી અથવા ફેલાવતા નથી. કૃપા કરીને અમારા ટોલ ફ્રી નંબર પર તરત જ આ સંદેશાઓની જાણ કરો.”
તેમજ ન્યારા પમ્પસ દ્વારા તેમના ઓફિશિયલ ટ્વિટર પેજ પરથી પણ આ માહિતી આપતી ટ્વિટ કરવામાં આવી હતી. જે તમે નીચે જોઈ શકો છો.
તેમજ ઈન્ડિયન ઓઈલના નામથી ગત વર્ષે આ મેસેજ વાયરલ થઈ રહ્યો હતો. જેનુ ફેક્ટચેક પણ ગત વર્ષે ગુજરાતી ફેક્ટક્રેસન્ડો દ્વારા કરવામાં આવ્યુ હતુ. જે તમે આ લિંક પર ક્લિક કરી જોઈ શકો છો.
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથ શેર કરવામાં આવેલો દાવો તદ્દન ખોટો છે. નયારા એનર્જી દ્વારા આ પ્રકારે કોઈ ચેતવણી જાહેર કરવામાં આવી નથી. તેમના નામે ફેક મેસેજ વાયરલ કરવામાં આવી રહ્યો હોવાનું જણાવવામાં આવ્યુ હતુ.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:શું ખરેખર નયારા એનર્જી દ્વારા ઉનાળામાં પેટ્રોલ ટેન્ક ફુલ ન કરવા ચેતવણી આપી...? જાણો શું છે સત્ય....
Fact Check By: Frany KariaResult: False
