સોશિયલ મીડિયા પર એક વ્યક્તિનો પોલીસ સાથે દલીલ કરતો વીડિયો વાયરલ થઈ રહ્યો છે. વીડિયોમાં, તે વ્યક્તિ ઉત્તર પ્રદેશના નોઈડાનો આઈપીએસ અધિકારી હોવાનો દાવો કરે છે અને ત્યાં હાજર પોલીસ કર્મચારીઓને તેને સલામ કરવાની માંગ કરે છે. શેર કરેલા વીડિયો સાથેના દાવાઓ સૂચવે છે કે, આ ઘટના લખનઉંમાં બની હતી. નોઈડા આઈપીએસ અધિકારી પોતાની ખાનગી કારમાં લખનઉં પહોંચ્યા હતા અને સાદા કપડામાં સજ્જ હતા. જ્યારે તેમણે એક કોન્સ્ટેબલને સલામ કરવાનું કહ્યું, ત્યારે કોન્સ્ટેબલે ના પાડી દીધી, કારણ કે કહેવાતા આઈપીએસ અધિકારી ન તો તેના સરકારી વાહનમાં હતા કે ન તો યુનિફોર્મમાં. આ વીડિયો યુપી પોલીસની પ્રશંસા સાથે શેર કરવામાં આવી રહ્યો છે.
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
વાયરલ દાવાની ચકાસણી કરવા માટે, અમે સંબંધિત કીવર્ડ્સનો ઉપયોગ કરીને ગુગલ સર્ચ કર્યું. અમને NDTV વેબસાઇટ પર આ દાવા સંબંધિત એક સમાચાર અહેવાલ મળ્યો. આ અહેવાલ 16 જૂન, 2026ના રોજ પ્રકાશિત થયો હતો. અહેવાલ મુજબ, વીડિયોમાં દેખાતો માણસ સાચો IPS અધિકારી નહોતો પણ એક ઢોંગી હતો. હકીકતમાં, લખનઉંમાં એક યુવકે ચાની દુકાનમાંથી ₹40 ની કિંમતના બનનું પેકેટ ચૂકવ્યા વિના ઉપાડ્યું હતું. જ્યારે દુકાનદારે પૈસા માંગ્યા, ત્યારે તે વ્યક્તિએ નોઈડાનો IPS અધિકારી હોવાનો દાવો કર્યો અને દુકાનદાર સાથે દલીલ કરવા લાગ્યો. જ્યારે પોલીસ ઘટનાસ્થળે પહોંચી, ત્યારે તેણે તેને સલામ કરવાની પણ માંગ કરી.
વધુ તપાસ કરતા અમને અમને ‘યુપી તક’ વેબસાઇટ પર આ દાવા સાથે સંબંધિત બીજો એક સમાચાર અહેવાલ પણ મળ્યો. આ અહેવાલ 16 જૂન, 2026ના રોજ પ્રકાશિત થયો હતો. અહેવાલ મુજબ, મેટ્રોપોલિટન વિસ્તારના ગોલ માર્કેટ ચોકડી પર નિયમિત પોલીસ તપાસ ચાલી રહી હતી. આ સમય દરમિયાન, પોલીસને માહિતી મળી કે એક વ્યક્તિ આઈપીએસ અધિકારી તરીકે પોતાને રજૂ કરી રહ્યો છે, સ્થાનિક દુકાનદારો સાથે દલીલ કરી રહ્યો છે અને તેમને ડરાવવાનો પ્રયાસ કરી રહ્યો છે. માહિતી મળતાં, પોલીસની એક ટીમ ઘટનાસ્થળે પહોંચી અને તે વ્યક્તિની પૂછપરછ કરી. દ્રશ્ય સર્જનાર વ્યક્તિએ નોઈડાનો આઈપીએસ અધિકારી હોવાનો દાવો કર્યો અને પોલીસ કર્મચારીઓને સલામ કરવાની માંગ કરી. જ્યારે અધિકારીઓએ સલામ કરવાનો ઇનકાર કર્યો, ત્યારે તેણે તેમને સસ્પેન્ડ કરવાની ધમકી આપી. પોલીસે આરોપીને કસ્ટડીમાં લીધા પછી, તેને સ્ટેશન પર લાવ્યા અને પૂછપરછ કર્યા પછી સત્ય બહાર આવ્યું. આ વ્યક્તિની ઓળખ 40 વર્ષીય મિથિલેશ શુક્લા તરીકે થઈ હતી, જે લખનઉંના મડિયાવ પોલીસ સ્ટેશન વિસ્તારનો રહેવાસી છે.
અમારી તપાસ દરમિયાન, અમને લખનઉં પોલીસના સત્તાવાર X એકાઉન્ટ પર દાવા સંબંધિત એક પોસ્ટ પણ મળી. ‘IndiaNewsUP_UK’ નામના X યુઝર્સને જવાબ આપતા, લખનઉં પોલીસે લખ્યું, “આ મામલા અંગે મહાનગર પોલીસ સ્ટેશનમાં સંબંધિત કલમો હેઠળ કેસ નોંધવામાં આવ્યો છે. આરોપી યુવકની ધરપકડ કરવામાં આવી છે, અને આગળની કાનૂની કાર્યવાહી કરવામાં આવી રહી છે.”
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, યુપી પોલીસને સલામી આપવાનો ઇનકાર કરનાર વ્યક્તિના વીડિયો અંગે કરવામાં આવી રહેલો દાવો ખોટો છે. વાસ્તવમાં, વીડિયોમાં દેખાતો વ્યક્તિ આઈપીએસ અધિકારી નથી, આ વ્યક્તિનું સાચું નામ મિથિલેશ શુક્લા છે, અને તે લખનઉંના મડિયાણવ પોલીસ સ્ટેશન વિસ્તારનો રહેવાસી છે.
Title: બીજાઓને સલામ કરવાનું કહેતો માણસ નકલી IPS અધિકારી છે…જાણો શું છે સત્ય…
Fact Check By: FRANY KARIA
Result: False
