Fake News: શું રાહુલ ગાંધીએ હિન્દી ભાષા પર સવાલ ઉઠાવીને કહ્યું કે તે બહારની દુનિયામાં ઉપયોગી નહીં થાય…?

આ વિડિયો અધૂરો છે. મૂળ વીડિયોમાં રાહુલ ગાંધી કહી રહ્યા છે કે હિન્દીની સાથે અંગ્રેજીનો પણ અભ્યાસ કરવો જોઈએ કારણ કે વિદેશોમાં અંગ્રેજી ઉપયોગી છે.

કોંગ્રેસ નેતા રાહુલ ગાંધી અને વડાપ્રધાન મોદીનો એક તુલનાત્મક વીડિયો ઈન્ટરનેટ પર વાયરલ થઈ રહ્યો છે. તેમાં તમે રાહુલ ગાંધીને એમ કહેતા સાંભળી શકો છો કે જો તમારે બાકીની દુનિયા સાથે વાત કરવી હોય, પછી તે જાપાન, અમેરિકા કે ઈંગ્લેન્ડના લોકો હોય, તો ત્યાં હિન્દી નહીં ચાલે, માત્ર અંગ્રેજી જ ચાલશે. બીજી તરફ વડાપ્રધાન મોદી, તમે ભારતની વિવિધતા, લોકશાહી, વિવિધ ભાષાઓની વાત કરો છો. તેઓ સંયુક્ત રાષ્ટ્ર મહાસભાને હિન્દી ભાષામાં સંબોધિત કરી રહ્યા છે. આ વીડિયોને શેર કરીને લોકો રાહુલ ગાંધી અને વડાપ્રધાનની સરખામણી કરી રહ્યા છે. તેઓ કહી રહ્યા છે કે “ભારતમાં રહીને રાહુલ ગાંધી હિન્દી ભાષા પર સવાલ ઉઠાવી રહ્યા છે.” અને વડાપ્રધાન મોદીએ સંયુક્ત રાષ્ટ્ર મહાસભામાં અન્ય દેશોની સાથે હિન્દી ભાષામાં ભાષણ આપ્યું હતું.

શું દાવો કરવામાં આવી રહ્યો છે.?

Ritu Rathi નામના ફેસબુક યુઝર દ્વારા તારીખ 24 ડિસેમ્બર 2022ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “ભારતમાં રહીને રાહુલ ગાંધી હિન્દી ભાષા પર સવાલ ઉઠાવી રહ્યા છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે યુટ્યુબ પર કીવર્ડ સર્ચ કર્યું. પરિણામે, અમને મૂળ વીડિયો 19 ડિસેમ્બરના ભારતીય રાષ્ટ્રીય કોંગ્રેસ ચેનલ પર પ્રસારિત થયેલો મળ્યો. સાથેની માહિતીમાં જણાવવામાં આવ્યું છે કે, આ વીડિયો રાજસ્થાનના અલવરમાં ભારત જોડો યાત્રાના દરમિયાનનો છે. આમાં તમે 9.57 મિનિટથી વાયરલ ક્લિપ જોઈ શકો છો.

આ વીડિયો જોઈને અમને જાણવા મળ્યું કે રાહુલ ગાંધી કહી રહ્યા છે કે ભાજપ દરેક જગ્યાએ અંગ્રેજી ભાષાની વિરૂદ્ધ બોલે છે. તેઓ કહે છે કે શાળાઓમાં અંગ્રેજી ન હોવું જોઈએ, બંગાળી હોવી જોઈએ, હિન્દી હોવી જોઈએ, પરંતુ અંગ્રેજી ન હોવી જોઈએ. પરંતુ ભાજપના તમામ સાંસદો અને ધારાસભ્યોના બાળકો અંગ્રેજી માધ્યમની શાળાઓમાં ભણે છે અને ભાષણ આપે છે કે કોઈએ અંગ્રેજી ન બોલવું જોઈએ. તેમણે એમ પણ કહ્યું કે તેઓ એવું નથી કહેતા કે હિન્દીનો અભ્યાસ ન કરવો જોઈએ, તેનો અભ્યાસ થવો જોઈએ. તમિલ, હિન્દી, મરાઠી, સંસ્કૃત, ભારતની તમામ ભાષાઓનો અભ્યાસ કરવો જોઈએ. પણ ભારત સિવાય બાકીની દુનિયા સાથે વાત કરવી હોય તો અમેરિકા, જાપાન કે ઈંગ્લેન્ડના લોકો હોય તો ત્યાં હિન્દી નહીં ચાલે. ત્યાં ફક્ત અંગ્રેજી જ ઉપયોગી થશે.

આના પરથી આપણે કહી શકીએ કે રાહુલ ગાંધી હિન્દી ભાષા પર સવાલ નથી કરી રહ્યા. તેઓ કહી રહ્યા છે કે હિન્દીની સાથે અંગ્રેજી પણ જાણવું જોઈએ જેથી તેઓ દેશની બહારના લોકો સાથે વાત કરી શકે. આ વીડિયોને કાપવામાં આવી રહ્યો છે અને ખોટા દાવા સાથે શેર કરવામાં આવી રહ્યો છે. તમે નીચે આપેલા તુલનાત્મક વીડિયોમાં વાયરલ વીડિયો અને મૂળ વીડિયો વચ્ચેનો તફાવત જોઈ શકો છો. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, આ વિડિયો અધૂરો છે. વાસ્તવમાં રાહુલ ગાંધી કહી રહ્યા છે કે હિન્દી ભાષાની સાથે અંગ્રેજી પણ શીખો જેથી ભારત બહારના લોકો સાથે વાતચીત કરવામાં મદદ મળશે. તેઓ કહે છે કે દરેક વ્યક્તિએ ભારતીય ભાષા શીખવી જોઈએ અને અંગ્રેજી પણ.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)