શું ખરેખર ભગવંત માન અને અરવિંદ કેજરીવાલ દારૂની દુકાન બહાર બેઠેલા છે...? જાણો શું છે સત્ય....

પંજાબ વિધાનસભાની ચૂંટણી આગામી મહિનામાં યોજવા જઈ રહી છે. ત્યારે સોશિયલ મિડિયામાં આમ આદમી પાર્ટીના સંયોજક અને પંજાબ આમ આદમી પાર્ટીના સીએમ ફેસ ભગવંત માનનો ફોટો સોશિયલ મિડિયામાં વાયરલ થઈ રહ્યો છે. જેની પાછળ દારૂની દુકાન નું બોર્ડ જોવા મળે છે. આ ફોટોને શેર કરીને દાવો કરવામાં આવી રહ્યો છે કે, “ભગવંત માન અને અરવિંદ કેજરીવાલ દારૂની દુકાન બહાર બેસી રહ્યા છે અને તે દુકાન ખોલવાની રાહ જોઈ રહ્યા છે.”

ફેક્ટ ક્રેસન્ડોની પડતાલમાં આ દાવો ખોટો સાબિત થયો છે. કારણ કે, ઓરિજનલ ફોટોમાં કેજરીવાલ અને ભગવંત માન ખેતરોની વચ્ચે એક ખાટલા પર બેઠેલા જોવા મળે છે. થોડા દિવસો પહેલા પંજાબના ચમકૌર સાહેબમાં ખેડૂતો સાથેની વાતચીત દરમિયાનના આ દ્રશ્યો છે.

શું દાવો કરવામાં આવી રહ્યો છે.?

કાકા ચાલે વાંકા નામના ફેસબુક યુઝર દ્વારા તારીખ 16 જાન્યુઆરી 2021ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “ભગવંત માન અને અરવિંદ કેજરીવાલ દારૂની દુકાન બહાર બેસી રહ્યા છે અને તે દુકાન ખોલવાની રાહ જોઈ રહ્યા છે.”

Facebook | Fb post Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. સૌપ્રથમ અમે પોસ્ટ સાથે શેર કરવામાં આવેલા ફોટોને ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.

ઉપરોક્ત પરિણામો પરથી અમને આપ પંજાબના ઓફિશિયલ ટ્વિટર એકાઉન્ટ પરથી કરવામાં આવેલુ ટ્વિટ પ્રાપ્ત થયુ હતુ. જેમાં 10 મિનિટનો વિડિયો શેર કરવામાં આવ્યો હતો. જે વિડિયોમાંથી આ ફોટો લઈ તેને ડિજિટલી એડિટ કરી અને વાયરલ કરવામાં આવી રહ્યો છે. આ ફોટો તમે નીચે જોઈ શકો છો.

Twitter | Archive

તેમજ ગૂગલ પર જૂદા-જૂદા કીવર્ડ સાથે સર્ચ કરતા અમને દારૂની જે દુકાનનો ફોટો વાયરલ થઈ રહ્યો છે તે પણ અમને પ્રાપ્ત થયો હતો. નવેમ્બર 2020માં "નવભારત ટાઈમ્સ" માં પ્રકાશિત અહેવાલમાં વાયરલ ફોટો પર શરાબની દુકાનોની ફોટો પણ જોઈ શકાય છે.

તેમજ ઓરિજનલ ફોટો અને વાયરલ ફોટો વચ્ચેનો તફાવત તમે નીચે જોઈ શકો છો.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, ઓરિજનલ ફોટોમાં કેજરીવાલ અને ભગવંત માન ખેતરોની વચ્ચે એક ખાટલા પર બેઠેલા જોવા મળે છે. થોડા દિવસો પહેલા પંજાબના ચમકૌર સાહેબમાં ખેડૂતો સાથેની વાતચીત દરમિયાનના આ દ્રશ્યો છે.