ગ્રાહકના પગ પકડી રડી રહેલી મહિલા દુકાનદારના વીડિયોનું જાણો શું છે સત્ય….

પોસ્ટ સાથે શેર કરવામાં આવેલો વીડિયો સત્ય ઘટનાને આધારિત નથી, પરંતુ મનોરંજન માટે બનાવવામાં આવેલો વીડિયો છે. આ વીડિયોને ખોટા દાવા સાથે શેર કરવામાં આવી રહ્યો છે.

સોશિયલ મીડિયા પર એક વીડિયો વાયરલ થઈ રહ્યો છે જેમાં એક મહિલા દુકાનદાર ગ્રાહકના પગ પકડીને રડી રહી છે. વીડિયોમાં દાવો કરવામાં આવ્યો છે કે, “મહિલા દુકાનદારે ગ્રાહકને વિવિધ વસ્તુઓ બતાવવામાં કલાકો વિતાવ્યા, પરંતુ ગ્રાહકે આખરે એક પણ વસ્તુ ખરીદી નહીં. પોતાને કાબુમાં ન રાખી શકવાથી, તે રડી પડી.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 12 જાન્યુઆરી 2026ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “મહિલા દુકાનદારે ગ્રાહકને વિવિધ વસ્તુઓ બતાવવામાં કલાકો વિતાવ્યા, પરંતુ ગ્રાહકે આખરે એક પણ વસ્તુ ખરીદી નહીં. પોતાને કાબુમાં ન રાખી શકવાથી, તે રડી પડી.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા. 

ઉપરોક્ત પરિણામો પરથી અમને કંચન દત્તા નામના ઇન્સ્ટાગ્રામ એકાઉન્ટ પર આ વીડિયો મળ્યો હતો. તે 9 જાન્યુઆરી ત્યાં પોસ્ટ કરવામાં આવ્યો હતો. અગાઉ 7 જાન્યુઆરીએ તેનું લાંબુ વર્ઝન અપલોડ કરવામાં આવ્યું હતું. વીડિયોના કેપ્શનમાં ‘ફની’ અને ‘કોમેડી વીડિયો’ જેવા હેશટેગનો ઉપયોગ કરવામાં આવ્યો છે.

આ એકાઉન્ટમાં આ બે મહિલાઓના એકસાથે બીજા ઘણા વીડિયો પણ છે. તે સ્પષ્ટ છે કે આ બધા વીડિયો સ્ક્રિપ્ટેડ છે. વાયરલ વીડિયોનો Behind The Scenes વીડિયો, પણ આ એકાઉન્ટ પર અપલોડ કરવામાં આવ્યો છે. તેમાં, બંને મહિલાઓ અભિનય કરતી અને હસતી જોઈ શકાય છે.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો સત્ય ઘટનાને આધારિત નથી, પરંતુ મનોરંજન માટે બનાવવામાં આવેલો વીડિયો છે. આ વીડિયોને ખોટા દાવા સાથે શેર કરવામાં આવી રહ્યો છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)