જાણો ભાજપના નેતા સુદેશ રાય દ્વારા વોટ માટે કવરમાં પૈસાની વહેંચણી કરવામાં આવી હોવાના વાયરલ થઈ રહેલા વીડિયોનું શું છે સત્ય…

તાજેતરમાં સોશિયલ મીડિયા પર ભાજપના નેતા સુદેશ રાયના ફોટો સાથેના કવરમાં પૈસાની વહેંચણી થતી હોવાનો એક વીડિયો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, તાજેતરમાં ભાજપના નેતા સુદેશ રાય દ્વારા વોટ માટે પૈસાની વહેંચણી કરવામાં આવી તેનો આ વીડિયો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં ભાજપના નેતા સુદેશ રાયના ફોટો સાથેના કવરમાં પૈસાની વહેંચણીનો જે વીડિયો મૂકવામાં આવ્યો છે એ તાજેતરનો નહીં પરંતુ વર્ષ 2023 માં મધ્યપ્રદેશના સિહોર ખાતે બનેલી ઘટનાનો છે. આ વીડિયોને હાલની પરિસ્થિતિ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક ફેસબુક પેજ દ્વારા 21 એપ્રિલ, 2024 ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયોના શીર્ષકમાં એવું લખવામાં આવ્યું હતું કે, ભક્તો અબકી બાર 1500 કવર પાર . આ વીડિયો સાથેના લખાણમાં એવો દાવો કરવામાં આવી રહ્યો છે કે, તાજેતરમાં ભાજપના નેતા સુદેશ રાય દ્વારા વોટ માટે પૈસાની વહેંચણી કરવામાં આવી તેનો આ વીડિયો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વડિયોનો એક સ્ક્રીનશોટ લઈ ગુગલ રિવર્સ ઈમેજનો સહારો લઈને સર્ચ કરતાં અમને પોસ્ટમાં મૂકવામાં આવેલા આજ વીડિયો સાથેના સમાચાર Inh 24X7 દ્વારા 17 નવેમ્બર,  2023 ના રોજ પ્રસારિત કરવામાં આવ્યા હોવાની માહિતી પ્રાપ્ત થઈ હતી. જેમાં એવી માહિતી આપવામાં આવી હતી કે, મધ્યપ્રદેશના સિહોર ખાતે ભાજપના ઉમેદવાર સુદેશ રાયના ફોટા સાથેના કવરમાં પૈસા હોવાનો વીડિયો વાયરલ થતાં કલેક્ટર દ્વારા વધુ તપાસ હાથ ધરવામાં આવી.

જેના પરથી અમને ખબર પડી કે, વાયરલ વીડિયો તાજેતરનો નહીં પરંતુ વર્ષ 2023 નો છે.

અમારી વધુ તપાસમાં અમને આજ વીડિયો સાથેના સમાચાર એબીપી ન્યૂઝ અને ઝી ન્યૂઝ દ્વારા પણ પ્રસારિત કરવામાં આવ્યા હોવાની માહિતી પ્રાપ્ત થઈ હતી. 

પિયુષ બબેલે નામના એક ટ્વિટર યુઝર દ્વારા પણ 16 નવેમ્બર, 2023 ના રોજ તેના સત્તાવાર ટ્વિટર પર પણ આ ઘટના અંગેની વીડિયો પોસ્ટ કરવામાં આવી હતી.

बीजेपी प्रत्याशी सुदेश राय के लोग रात में पैसे बांट रहे, वार्ड 13 सीहोर।

भाजपा ख़रीदने और बेचने से आगे नहीं सोच सकती। pic.twitter.com/9gC5Og0bMj

— Piyush Babele||पीयूष बबेले (@BabelePiyush) November 16, 2023

અન્ય કેટલાક સત્તાવાર ટ્વિટર યુઝર દ્વારા પણ આજ વીડિયો સાથેની પોસ્ટ વર્ષ 2023 માં કરવામાં આવી હતી. જે તમે અહીં જોઈ શકો છો. Twitter Post 1 | Twitter Post 2 | Twitter Post 3

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં ભાજપના નેતા સુદેશ રાયના ફોટો સાથેના કવરમાં પૈસાની વહેંચણીનો જે વીડિયો મૂકવામાં આવ્યો છે એ તાજેતરનો નહીં પરંતુ વર્ષ 2023 માં મધ્યપ્રદેશના સિહોર ખાતે બનેલી ઘટનાનો છે. આ વીડિયોને હાલની પરિસ્થિતિ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)