વર્ષ 2003ના બગદાદ હુમલાના વિડિયોને હાલના રશિયા-યુક્રેન યુદ્ધનો ગણાવવામાં આવી રહ્યો…જાણો શું છે સત્ય….

રશિયા-યુક્રેન યુદ્ધ 24 ફેબ્રુઆરી 2022થી ચાલી રહ્યુ છે અને દરરોજ નવા-નવા ખુલાસાઓ અને યુદ્ધના આંકડાઓ સામે આવી રહ્યા છે. આ વચ્ચે સોશિયલ મિડિયામાં પણ ઘણા વિડિયો વાયરલ થઈ રહ્યા છે. હાલમાં એક વિડિયો વાયરલ થઈ રહ્યો છે. જેમાં મોટી-મોટી બિલ્ડિંગો પર હુમલાઓ થતા જોઈ શકાય છે. આ વિડિયોને શેર કરીને દાવો કરવામાં આવી રહ્યો છે કે, “હાલમાં ચાલી રહેલા રશિયા-યુક્રેન યુદ્ધ દરમિયાનનો રશિયા દ્વારા કરવામાં આવેલા હમુલાનો આ વિડિયો છે.”

ફેક્ટ ક્રેસન્ડોની પડતાલમાં આ દાવો ખોટો સાબિત થયો છે. કારણ કે, પોસ્ટ સાથે શેર કરવામાં આવેલો વિડિયો હાલમાં ચાલી રહેલા રશિયા-યુક્રેન યુદ્ધ દરમિયાનનો નહિં પરંતુ વર્ષ 2003માં ઈરાકના બગદાદ પર થયેલા હુમલા દરમિયાનનો છે.

શું દાવો કરવામાં આવી રહ્યો છે.?

TV9 Gujarati નામના ફેસબુક યુઝર દ્વારા તારીખ 28 ફેબ્રુઆરી 2022ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “હાલમાં ચાલી રહેલા રશિયા-યુક્રેન યુદ્ધ દરમિયાનનો રશિયા દ્વારા કરવામાં આવેલા હમુલાનો આ વિડિયો છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ અમે પોસ્ટ સાથે શેર કરવામાં આવેલા વિડિયોનો સ્ક્રિન શોટ લઈ અને ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.

ઉપરોક્ત પરિણામો પરથી અમને ચાઈનીઝ વેબસાઈટ nanmuxuan.com નો એક અહેવાલ પ્રાપ્ત થયો હતો. જેમાં આ વિડિયોનો એક ભાગ શેર કરવામાં આવ્યો હતો અને માહિતી આપવામાં આવી હતી કે, માર્ચ 2003ના ઈરાકના બગદાદમાં કરવામાં આવેલા હુમલાનો આ વિડિયો છે.

Nanmuxuan.com | Archive

તેમજ અમે ગૂગલ પર જૂદા-જૂદા કીવર્ડ સાથે સર્ચ કરતા અમને બીબીસીનો એક અહેવાલ પ્રાપ્ત થયો હતો. જેમાં માહિતી આપવામાં આવી હતી કે, “ઓપરેશન ઇરાકી ફ્રીડમ – બળના પ્રદર્શનના હેતુથી હવાઈ બોમ્બમારાના “આઘાત અને ધાક” અભિયાન સાથે શરૂ થાય છે. બગદાદની બહાર એક ખેડૂત સમુદાય પર બોમ્બ ફેંકવામાં આવે છે જ્યાં ગુપ્ત માહિતીએ ખોટી રીતે સૂચવ્યું હતું કે સદ્દામ હુસૈન છુપાયેલો હોઈ શકે છે.”

BBC.COM | ARCHIVE

તેમજ આ હુમલાના વિડિયોના અન્ય ફોટો પણ ગેટ્ટી ઈમેજ પર ઉપલબ્ધ છે. જે તમે આ લિંક પર ક્લિક કરી અને જોઈ શકો છો.

તેમજ સીએનએન દ્વારા તેમની ઓફિશિયલ યુટ્યુબ ચેનલ પર પણ આ બગદાદ હુમલાનો સંપૂરણ વિડિયો પ્રસારિત કર્યો હતો. જે તમે નીચે જોઈ શકો છો.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વિડિયો હાલમાં ચાલી રહેલા રશિયા-યુક્રેન યુદ્ધ દરમિયાનનો નહિં પરંતુ વર્ષ 2003માં ઈરાકના બગદાદ પર થયેલા હુમલા દરમિયાનનો છે.