મધ્યપ્રદેશના ગુનામાં પડેલા ગત વર્ષના વરસાદના દ્રશ્યોને હાલના ગણાવવામાં આવી રહ્યા છે… જાણો શું છે સત્ય….

વાયરલ વિડિયો હાલનો નહિં પંરતુ ગત વર્ષના વરસાદ દરમિયાનનો છે. હાલના વરસાદના દરમિયાનના આ દ્રશ્યો હોવાની વાત તદ્દન ખોટી છે.

થોડા દિવસો પહેલા મધ્યપ્રદેશના ગુના શહેરમાં ભારે વરસાદને કારણે ઠેર-ઠેર પાણી ભરાવાના દ્રશ્યો સામે આવ્યા હતા. ત્યારે હાલમાં એક વિડિયો વાયરલ થાય છે જેમાં પેટ્રોલ પંપ તેમજ હાઈ-વે પર પાણી ભરાયેલા જોવા મળે છે. આ વિડિયોને શેર કરીને દાવો કરવામાં આવી રહ્યો છે કે, “હાલમાં મધ્યપ્રદેશના ગુનામાં હાલમાં પડેલા વરસાદના કારણે ભરાયેલા પાણીના આ દ્રશ્યો છે.”

શું દાવો કરવામાં આવી રહ્યો છે.?

ગુજરાત હવામાન સમાચાર નામના ફેસબુક યુઝર દ્વારા તારીખ 22 ઓગસ્ટ 2022ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “હાલમાં મધ્યપ્રદેશના ગુનામાં હાલમાં પડેલા વરસાદના કારણે ભરાયેલા પાણીના આ દ્રશ્યો છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ અમે પોસ્ટ સાથે શેર કરવામાં આવેલા વિડિયોનો સ્ક્રિન શોટ લઈ અને ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.

ઉપરોક્ત પરિણામો પરથી અમને આ જ વિડિયો યુટ્યુબ પર પ્રાપ્ત થયો હતો. જે ગત વર્ષે અપલોડ કરવામાં આવ્યો હતો. જે તમે નીચે જોઈ શકો છો.

ફેસબુક પર આ વિડિયો 6 ઓગસ્ટ 2021ના અપલોડ કરવામાં આવ્યો હતો. જે તમે નીચે જોઈ શકો છો.

Archive

આ જગ્યાનો બીજો વિડિયો પણ યુટ્યુબ પર અપલોડ કરવામાં આવ્યો હતો. જે તમે નીચે જોઈ શકો છો. 

ત્યારબાદ અમે વિડિયોમાં જોવા મળતા રિલાયન્સ પેટ્રોલ પંપના માલિક વિરેન્દ્રનો સંપર્ક સાધ્યો હતો તેમણે અમને જણાવ્યુ હતુ કે, “આ વિડિયો હાલનો નહિં પરંતુ ગત વર્ષે પડેલા વરસાદ દરમિયાનનો છે. ગત વર્ષના ઓગસ્ટ મહિના દરમિયાન પડેલા વરસાદનો વિડિયો છે. હાલમાં આ પ્રકારે કોઈ પાણી ભરાયા નથી. લોકો આ વિડિયોના માધ્યમથી અફવા ફેલાવી રહ્યા છે.”

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, સોશિયલ મિડિયામાં વાયરલ થઈ રહેલો વિડિયો હાલનો નહિં પંરતુ ગત વર્ષના ઓગસ્ટ મહિના દરમિયાન પડેલા વરસાદનો છે. હાલના વરસાદના દરમિયાનના આ દ્રશ્યો હોવાની વાત તદ્દન ખોટી છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)