- >>
- Altered
શું ખરેખર અરવિંદ કેજરીવાલ અને ભગવંત માન દારૂ અને નોનવેજની પાર્ટી કરી રહ્યા છે...? જાણો શું છે સત્ય....
ગુજરાતમાં વિધાનસભાની ચૂંટણીના ભણકારા વાગી રહ્યા છે. ત્યારે તમામ પાર્ટીના નેતા દ્વારા આ ચૂંટણી જીતવાના પ્રયાસ કરી રહ્યા છે. હાલમાં જ આમ આદમી પાર્ટીના બે કદાવર નેતા અરવિંદ કેજરીવાલ અને ભગવંત માન દ્વારા ગુજરાતના અમદાવાદમાં રોડ શોનું આયોજન કરવામાં આવ્યુ હતુ.
જે પૃષ્ટભૂમિ પર એક ફોટો વાયરલ થઈ રહ્યો છે. જેમાં ભગવંત માન અને અરવિંદ કેજરીવાલ નોન વેજ અને શરાબનું ભોજન આરોગતા જોઈ શકાય છે. આ ફોટોને શેર કરીને દાવો કરવામાં આવી રહ્યો છે કે, “આમ આદમી પાર્ટીના ભગવંત માન અને અરવિંદ કેજરીવાલ નોનવેજ અને દારૂની પાર્ટી કરી રહ્યા છે.”
ફેક્ટ ક્રેસન્ડોની પડતાલમાં આ દાવો ખોટો સાબિત થયો છે. કારણ કે, પોસ્ટ સાથે શેર કરવામાં આવેલો એડિટેડ છે. ખરેખર ઓરિજનલ ફોટોમાં અરવિંદ કેજરીવાલ અને ભગવંત માન સાદુ ભોજન જમી રહ્યા છે.
શું દાવો કરવામાં આવી રહ્યો છે.?
બાદશાહ સૂટર નામના ફેસબુક યુઝર દ્વારા તારીખ 05 એપ્રિલ 2022ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “આમ આદમી પાર્ટીના ભગવંત માન અને અરવિંદ કેજરીવાલ નોનવેજ અને દારૂની પાર્ટી કરી રહ્યા છે.”
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
સૌપ્રથમ અમે પોસ્ટ સાથે શેર કરવામાં આવેલા ફોટોને ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.
ઉપરોક્ત પરિણામો પરથી અમને એનડીટીવી દ્વારા તેમના ઓફિશિયલ ટ્વિટર એકાઉન્ટ પર પ્રસારિત ઓરિજનલ ફોટો પ્રાપ્ત થયો હતો. જેમાં અરવિંદ કેજરીવાલ સાદુ ભોજન લેતા જોઈ શકાય છે અને માહિતી આપવામાં આવી હતી કે, “AAPના વડા અરવિંદ કેજરીવાલે લુધિયાણામાં ઓટો અને કેબ ડ્રાઈવરોના જૂથને સંબોધન દરમિયાન એક ઓટો ડ્રાઈવરના રાત્રિભોજનના આમંત્રણને સ્વીકાર્યું હતુ.”
ઈન્ડિયન એક્સપ્રેસ દ્વારા તેમની ઓફિશિયલ યુટ્યુબ ચેનલ પર અરવિંદ કેજરીવાલ રિક્ષા ડ્રાઈવરના ઘરમાં ભોજન લઈ રહ્યા છે. તેનો સંપૂર્ણ વિડિયો પ્રસારિત કર્યો હતો અને જેમાં જોઈ શકાય છે અરવિંદ કેજરીવાલ સાદુ ભોજન આરોગી રહ્યા છે.
ઓરિજનલ ફોટો અને એડિટેડ ફોટો વચ્ચેનો તફાવત તમે નીચે જોઈ શકો છો.
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો એડિટેડ છે. ખરેખર ઓરિજનલ ફોટોમાં અરવિંદ કેજરીવાલ અને ભગવંત માન સાદુ ભોજન જમી રહ્યા છે.
Title:શું ખરેખર અરવિંદ કેજરીવાલ અને ભગવંત માન દારૂ અને નોનવેજની પાર્ટી કરી રહ્યા છે...? જાણો શું છે સત્ય....
Fact Check By: Yogesh KariaResult: Altered
