જાણો તાજેતરમાં રાજસ્થાનના ચુરુ ખાતે દુર્ઘટનાગ્રસ્ત થયેલા IAFના જગુઆર ફાઈટર જેટના નામે વાયરલ થઈ રહેલા ફોટોનું શું છે સત્ય…

તાજેતરમાં સોશિયલ મીડિયા પર ક્રેશ થયેલા IAFના ફાઈટર પ્લેનનો એક ફોટો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, આ ફોટો તાજેતરમાં રાજસ્થાનના ચુરુ ખાતે દુર્ઘટનાગ્રસ્ત થયેલા IAFના જગુઆર ફાઈટર પ્લેનનો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો હોવાનું સાબિત થાય છે કારણ કે, પોસ્ટમાં ક્રેશ થયેલા IAFના ફાઈટર પ્લેનનો જે ફોટો મૂકવામાં આવ્યો છે એ તાજેતરમાં રાજસ્થાનના ચુરુ ખાતે દુર્ઘટનાગ્રસ્ત થયેલા IAFના જગુઆર ફાઈટર પ્લેનનો નહીં પરંતુ વર્ષ 2015માં ઓરિસ્સા ખાતે દુર્ઘટનાગ્રસ્ત થયેલા IAFના ફાઈટર પ્લેનનો છે. આ ફોટોને હાલની પરિસ્થિતિ કે રાજસ્થાન સાથે કોઈ જ સંબંધ નથી. આ ફોટો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક સોશિયલ મીડિયા યુઝર દ્વારા 10 જુલાઈ, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયોના શીર્ષકમાં એવું લખવામાં આવ્યું છે કે, રાજસ્થાનના ચુરુમાં IAFનું જગુઆર ફાઇટર જેટ ક્રેશ: પાઇલટ અને કો-પાઇલટનું મોત. 

ભારતીય વાયુસેના (IAF) માટે દુઃખદ સમાચાર છે, કારણ કે રાજસ્થાનના ચુરુ જિલ્લામાં એક જગુઆર ફાઇટર જેટ ક્રેશ થયું છે. આ ઘટના બુધવારે બપોરે રતનગઢ તાલુકાના ભાનુડા ગામ નજીક બની હતી. આ જગુઆર ટ્રેનર વિમાન નિયમિત તાલીમ મિશન પર હતું, જેમાં બે પાઇલટ સવાર હતા.

આ દુર્ઘટનામાં બંને પાઇલટને ગંભીર ઇજાઓ થઈ હતી અને તેમના મોત થયા હોવાના અહેવાલ છે. વિમાન ક્રેશ થતાંની સાથે જ તેમાં આગ લાગી હતી અને ખેતરમાં ખાડો પડી ગયો હતો. આ વર્ષે આ ત્રીજી જગુઆર દુર્ઘટના છે, જે ચિંતાનો વિષય છે. વાયુસેના દ્વારા ઘટનાના કારણો જાણવા માટે કોર્ટ ઓફ ઇન્ક્વાયરીના આદેશ આપવામાં આવ્યા છે.. આ ફોટો સાથેના લખાણમાં એવો દાવો કરવામાં આવી રહ્યો છે કે, આ ફોટો તાજેતરમાં રાજસ્થાનના ચુરુ ખાતે દુર્ઘટનાગ્રસ્ત થયેલા IAFના જગુઆર ફાઈટર પ્લેનનો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા ફોટોને ગૂગલ રિવર્સ ઈમેજનો સહારો લઈને સર્ચ કરતાં અમને પોસ્ટમાં મૂકવામાં આવેલા આજ ફોટો સાથેના સમાચાર indiatvnews.com દ્વારા 3 જૂન, 2015ના રોજ પ્રસારિત કરવામાં આવ્યા હોવાની માહિતી પ્રાપ્ત થઈ હતી. જેમાં એવી માહિતી આપવામાં આવી હતી કે, આ ભારતીય વાયુસેનાનું એક ફાઈટર પ્લેન ઓરિસ્સામાં ક્રેશ થયું હતું જેમાં બે પાયલોટ ઘાયલ થયા હતા. જેના પરથી સ્પષ્ટ થાય છે કે, વાયરલ ફોટો રાજસ્થાનનો કે તાજેતરનો નથી. 

આજ માહિતી અને ફોટો સાથેના અન્ય સમાચાર અમને પ્રાપ્ત થયા હતા. જે તમે અહીં જોઈ શકો છો. thehindu.com | sambadenglish.com 

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં ક્રેશ થયેલા IAFના ફાઈટર પ્લેનનો જે ફોટો મૂકવામાં આવ્યો છે એ તાજેતરમાં રાજસ્થાનના ચુરુ ખાતે દુર્ઘટનાગ્રસ્ત થયેલા IAFના જગુઆર ફાઈટર પ્લેનનો નહીં પરંતુ વર્ષ 2015માં ઓરિસ્સા ખાતે દુર્ઘટનાગ્રસ્ત થયેલા IAFના ફાઈટર પ્લેનનો છે. આ ફોટોને હાલની પરિસ્થિતિ કે રાજસ્થાન સાથે કોઈ જ સંબંધ નથી. આ ફોટો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)