શું ખરેખર મહારાષ્ટ્ર ખાતે મહિલા વકીલ અને જજ વચ્ચે થયેલી મારામારીનો આ વીડિયો છે…? જાણો શું છે સત્ય…

તાજેતરમાં સોશિયલ મીડિયા પર કાળો કોટ પહેરીને મારામારી કરી રહેલી બે મહિલાઓનો એક વીડિયો વાયરલ થઈ રહ્યો છે. જેની સાથે એવો દાવો કરવામાં આવી રહ્યો છે કે, મહારાષ્ટ્ર ખાતે મહિલા જજે જામીન ન આપતાં વકીલ મહિલા દ્વારા છુટ્ટા હાથની મારામારી કરવામાં આવી તેનો આ વીડિયો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો અને પાયાવિહોણો હોવાનું સાબિત થાય છે. કારણ કે, પોસ્ટમાં મૂકવામાં આવેલો વીડિયો મહારાષ્ટ્રનો નહીં પરંતુ ઉત્તરપ્રદેશની કાસગંજ કોર્ટ ખાતે બનેલી ઘટનાનો છે. જેમાં એક દંપતિના કેસની વકીલાત કરવા આવેલી બંને મહિલા વકીલો વચ્ચે છુટ્ટા હાથની મારામારી થઈ હતી. આ વીડિયોને લોકોને ગેરમાર્ગે દોરવા માટે સોશિયલ મીડિયા પર ખોટી માહિતી સાથે વાયરલ કરવામાં આવી રહ્યા છે.

શું દાવો કરવામાં આવી રહ્યો છે.?

P J Parmarનામના ફેસબુક યુઝર દ્વારા 22 ડિસેમ્બર, 2022 ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયોના શીર્ષકમાં એવું લખવામાં આવ્યું છે કે, *મહારાષ્ટ્રની ઘટના – ભારતમાં પહેલી વાર – જજ સાહિબાએ જામીન ન આપ્યા એટલે વકીલ સાહિબા અને જજ સાહિબા વચ્ચે છુટ્ટા હાથની મારામારી*. પોસ્ટમાં મૂકવામાં આવેલા વીડિયો સાથેના લખાણમાં એવો દાવો કરવામાં આવી રહ્યો છે કે, મહારાષ્ટ્ર ખાતે મહિલા જજે જામીન ન આપતાં વકીલ મહિલા દ્વારા છુટ્ટા હાથની મારામારી કરવામાં આવી તેનો આ વીડિયો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વીડિયોને ધ્યાનથી જોયા બાદ અમે ગુગલ રિવર્સ ઈમેજનો સહારો લઈને આ વીડિયોનો એક સ્ક્રીનશોટ લઈને સર્ચ કરતાં પોસ્ટમાં મૂકવામાં આવેલા આજ વીડિયો સાથેના સમાચાર ABPLIVE દ્વારા 28 ઓક્ટોમ્બર, 2022 ના રોજ તેના સત્તાવાર યુટ્યુબ પર પ્રસારિત કરવામાં આવ્યા હતા. જેની સાથે એવી માહિતી આપવામાં આવી હતી કે, આ વીડિયો ઉત્તરપ્રદેશની કાસગંજ કોર્ટ ખાતે બનેલી ઘટનાનો છે. જેમાં એક દંપતિના કેસની વકીલાત કરવા આવેલી બંને મહિલા વકીલો વચ્ચે છુટ્ટા હાથની મારામારી થઈ હતી. 

અમારી વધુ તપાસમાં અમને આજ વીડિયો અને માહિતી સાથેના અન્ય સમાચાર પણ પ્રાપ્ત થયા હતા. જે તમે અહીં જોઈ શકો છો. Navbharat Times | Live Hindustan 

આજ સમાચાર દૈનિક ભાસ્કર દ્વારા પણ પ્રસારિત કરવામાં આવ્યા હતા.

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં મૂકવામાં આવેલો વીડિયો મહારાષ્ટ્રનો નહીં પરંતુ ઉત્તરપ્રદેશની કાસગંજ કોર્ટ ખાતે બનેલી ઘટનાનો છે. જેમાં એક દંપતિના કેસની વકીલાત કરવા આવેલી બંને મહિલા વકીલો વચ્ચે છુટ્ટા હાથની મારામારી થઈ હતી. આ વીડિયોને લોકોને ગેરમાર્ગે દોરવા માટે સોશિયલ મીડિયા પર ખોટી માહિતી સાથે વાયરલ કરવામાં આવી રહ્યા છે.

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ,

ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને

અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ

ફેક્ટ ચેક વાંચવા માટે Facebook, Instagram અને Twitter પર Fact Crescendoને

ફોલો કરો.)