તાજેતરમાં સોશિયલ મીડિયા પર ભાજપના કેટલાક નેતાઓ સાથે થયેલી મારામારીનો એક વીડિયો વાયરલ થઈ રહ્યો છે. આ વીડિયો સાથેના લખાણમાં એવો દાવો કરવામાં આવી રહ્યો છે કે, તાજેતરમાં ઉત્તરપ્રદેશમાં ભાજપના નેતાઓ પર હુમલો કરવામાં આવ્યો તેનો આ વીડિયો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં ભાજપના નેતાઓ પર થયેલા હુમલાનો જે વીડિયો મૂકવામાં આવ્યો છે એ તાજેતરનો નહીં પરંતુ વર્ષ 2017 માં જ્યારે ભાજપના પશ્ચિમ બંગાળના અધ્યક્ષ દિલીપ ઘોષ તેમના સમર્થકો સાથે દાર્જીલિંગ ગયા હતા તે સમયે ગોરખાલેન્ડ જનમુક્તિ મોરચાના વિરોધી બિમલ ગુરુંગ જૂથના કાર્યકરો દ્વારા તેમની સાથે મારપીટ કરવામાં આવી હતી તેનો આ વીડિયો છે. આ વીડિયોને હાલની પરિસ્થિતિ સાથે કોઈ જ સંબંધ નથી. આ વીડિયોને સોશિયલ મીડિયા પર ભ્રામક અને ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.
શું દાવો કરવામાં આવી રહ્યો છે.?
ગુજરાત ત્રસ્ત ભાજપા મસ્ત નામના ફેસબુક પેજ દ્વારા 20 જાન્યુઆરી, 2022 ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયોના શીર્ષકમાં એવું લખવામાં આવ્યું છે કે, યુપીમાં ભાજપ ની હાલત.. અહીં આવું થાય તો કામનું.. બાકી કરવું હોય તો આમ કરાઈ.. શેયર કરો . આ લખાણમાં એવો દાવો કરવામાં આવી રહ્યો છે કે, તાજેતરમાં ઉત્તરપ્રદેશમાં ભાજપના નેતાઓ પર હુમલો કરવામાં આવ્યો તેનો આ વીડિયો છે.
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. સૌપ્રથમ અમે પોસ્ટમાં મૂકવામાં આવેલા વીડિયોને ગુગલનો સહારો લઈને જુદા-જુદા કીવર્ડથી સર્ચ કરતાં અમને પોસ્ટમાં મૂકવામાં આવેલો આજ વીડિયો NMF News દ્વારા તેના સત્તાવાર યુટ્યુબ પર 6 ઓક્ટોમ્બર, 2017 ના રોજ પ્રસારિત કરવામાં આવ્યો હોવાની માહિતી પ્રાપ્ત થઈ હતી. જેમાં એવી માહિતી આપવામાં આવી હતી કે, વર્ષ 2017 માં જ્યારે ભાજપના પશ્ચિમ બંગાળના અધ્યક્ષ દિલીપ ઘોષ તેમના સમર્થકો સાથે દાર્જીલિંગ ગયા હતા તે સમયે ગોરખાલેન્ડ જનમુક્તિ મોરચાના વિરોધી બિમલ ગુરુંગ જૂથના કાર્યકરો દ્વારા તેમની સાથે મારપીટ કરવામાં આવી હતી તેનો આ વીડિયો છે.
અન્ય મીડિયા હાઉસ દ્વારા પણ અમને આ વીડિયો ઉપરોક્ત માહિતી સાથે પ્રસારિત કરવામાં આવ્યો હોવાની માહિતી પ્રાપ્ત થઈ હતી. જે તમે અહીં જોઈ શકો છો. ABP News | Republic World
પરિણામ
આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો ખોટો અને અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં ભાજપના નેતાઓ પર થયેલા હુમલાનો જે વીડિયો મૂકવામાં આવ્યો છે એ તાજેતરનો નહીં પરંતુ વર્ષ 2017 માં જ્યારે ભાજપના પશ્ચિમ બંગાળના અધ્યક્ષ દિલીપ ઘોષ તેમના સમર્થકો સાથે દાર્જીલિંગ ગયા હતા તે સમયે ગોરખાલેન્ડ જનમુક્તિ મોરચાના વિરોધી બિમલ ગુરુંગ જૂથના કાર્યકરો દ્વારા તેમની સાથે મારપીટ કરવામાં આવી હતી તેનો આ વીડિયો છે. આ વીડિયોને હાલની પરિસ્થિતિ સાથે કોઈ જ સંબંધ નથી.
