શું ખરેખર દિલ્હીમાં સરકાર દ્વારા રિક્ષામાં દારૂ વહેચવા અંગેની જાહેરાત કરવામાં આવી રહી છે…? જાણો શું છે સત્ય….

દારૂની જાહેરાત કરતો આ વીડિયો દિલ્હીનો નહિં પરંતુ હરિયાણાના રોહતક શહેરનો છે. આ વીડિયોને દિલ્હી સાથે કોઈ લેવા-દેવા નથી.

એક વીડિયો સોશિયલ મીડિયા પર ખૂબ જ વાયરલ થઈ રહ્યો છે. જે વિડિયોમાં શેરીમાં દારૂના દરની જાહેરાત કરતી ઈ-રિક્ષાનો એક નાનો વીડિયો સોશિયલ મીડિયા પર ધૂમ મચાવી રહ્યો છે, આ વિડિયોને શેર કરીને દાવો કરવામાં આવી રહ્યો છે કે, “દિલ્હી સરકાર દ્વારા દારૂની જાહેરાત આ પ્રકારે રોડ પર કરવામાં આવી રહી છે.”

શું દાવો કરવામાં આવી રહ્યો છે.?

Arun Patel નામના ફેસબુક યુઝર દ્વારા તારીખ 16 માર્ચ 2023ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “દિલ્હી સરકાર દ્વારા દારૂની જાહેરાત આ પ્રકારે રોડ પર કરવામાં આવી રહી છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા. ઉપરોક્ત પરિણામો પરથી અમને ફેસબુક પર આ વીડિયો પ્રાપ્ત થયો હતો.

રોહતક કી બાત નામના ફેસબુક પેજ પર આ વીડિયો 14 જૂલાઈ 2022ના આ વીડિયો અપલોડ કરવામાં આવ્યો હતો. જેની સાથે માહિતી આપવામાં આવી હતી કે, “રોહતકમાં સરકારી કોન્ટ્રાક્ટ પરથી જ દારૂ ખરીદો, શહેરમાં ફરતા સૂત્રોચ્ચાર, જાણો તમામ દેશી, વ્હિસ્કીના દર, દારૂના પ્રચારની આ રીત સાચી છે કે ખોટી” આ વીડિયો તમે નીચે જોઈ શકો છો.

Archive

તેમજ વધુ સર્ચ કરતા અમને પંજાબ કેસરી હરિયાણાની વેરિફાઈડ યુટ્યુબ ચેનલ પરનો એક અહેવાલ પ્રાપ્ત થયો હતો. જેમા માહિતી આપવામાં આવી હતી કે, “હરિયાણાના રોહતકમાં ફરતી એક ઈ-રિક્ષા, જેની સાથે માઈક જોડાવામાં આવ્યુ છે, જે વિવિધ પ્રકારની ભારતીય અને વિદેશી દારૂની અને તેના દરોની જાહેરાત કરી રહી હતી.”

તેમજ હરિભૂમિ નામની વેબસાઈટ દ્વારા પણ વિશેષ માહિતી આપતો અહેવાલ પ્રસારિત કરવામાં આવ્યો હતો. 

તેમજ અમે વીડિયોને ધ્યાનથી જોયો તો રસ્તા પર પડેલા એક બેરિકેટમાં અમને રોહતક પોલીસ પણ લખેલુ વાંચવામાં આવ્યુ હતુ. જે તમે નીચે જોઈ શકો છો. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, દારૂની જાહેરાત કરતો આ વીડિયો દિલ્હીનો નહિં પરંતુ હરિયાણાના રોહતક શહેરનો છે. આ વીડિયોને દિલ્હી સાથે કોઈ લેવા-દેવા નથી.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)