આગ્રા પોલીસની કાર્યવાહીનો વિડિયો મધ્યપ્રદેશ પોલીસના નામે વાયરલ કરવામાં આવી રહ્યો... જાણો શું છે સત્ય....
આ વિડિયો મધ્યપ્રદેશ પોલીસની કાર્યવાહી દરમિયાનનો નહિં પરંતુ ઉત્તરપ્રદેશની આગ્રા પોલીસ દ્વારા કરવામાં આવેલી કાર્યવાહીનો છે.
![](https://gujarati.factcrescendo.com/wp-content/uploads/2022/09/Gujrati_20220901_220413_0000.png)
સોશિયલ મિડિયામાં એક વિડિયો વાયરલ થઈ રહ્યો છે. જે વિડિયોમાં પોલીસ દ્વારા એક દુકાનમાં અંડર ગ્રાઉન્ડ ચાલતા કાફે કાર્યવાહી કરવામાં આવી રહી છે. આ વિડિયોમાં યુવક-યુવતીઓ આપત્તીજનક સ્થિતીમાં જોવા મળે છે. આ વિડિયોને શેર કરીને દાવો કરવામાં આવી રહ્યો છે કે, “પોલીસની કાફેમાં રેડ દરમિયાનનો આ વિડિયો મધ્યપ્રદેશ પોલીસનો છે અને જેમાં જોવા મળતા તમામ યુવકો મુસ્લિમ છે.”
શું દાવો કરવામાં આવી રહ્યો છે.?
દાઉદ નો જમાઈ નામના ફેસબુક યુઝર દ્વારા તારીખ 23 ઓગસ્ટ 2022ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “પોલીસની કાફેમાં રેડ દરમિયાનનો આ વિડિયો મધ્યપ્રદેશ પોલીસનો છે અને જેમાં જોવા મળતા તમામ યુવકો મુસ્લિમ છે.”
Facebook | Fb post Archive | Fb video archive
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
સૌપ્રથમ અમે ગૂગલ પર કીવર્ડ સાથે સર્ચ કરતા અમને 12 ઓગસ્ટના રોજ પ્રકાશિત યુપી તક નામની વેબસાઈટ પર પ્રકાશિત અહેવાલ પ્રાપ્ત થયો હતો. જેમાં માહિતી આપવામાં આવી હતી કે, આગ્રાના હરિપરવત પોલીસ સ્ટેશનના ત્રણ પોલીસકર્મીઓએ એક કાફેમાં રેડ કરી હતી અને યુવક-યુવતીઓને વાંધાજનક હાલતમાં વિડિયો શૂટ કર્યો હતો. જે બાદ આ વિડિયો વાયરલ થયો હતો. બાદમાં આ વિડિયોને લઈ હંગામો વધતા ત્રણેય પોલીસકર્મીઓને સસ્પેન્ડ કરવામાં આવ્યા હતા.
![](https://gujarati.factcrescendo.com/wp-content/uploads/2022/09/image.png)
જ ક્લુને આધારે કીવર્ડ સાથે સર્ચ કરતા અને દૈનિક ભાસ્કરનો એક અહેવાલ પ્રાપ્ત થયો હતો. જે અહેવાલમાં માહિતી આપવામાં આવી હતી કે, 27 જુલાઈના આગ્રાના હરિપર્વત પોલીસ સ્ટેશન વિસ્તારના પોલીસ કર્મચારીઓએ વેપારી વિસ્તાર સંજય પ્લેસ ખાતે સ્થિત એક કાફેના નીચેના માળની મુલાકાત લીધી હતી.
ત્યારબાદ અમે આગ્રાના એક ઉચ્ચઅધિકારીનો સંપર્ક સાધ્યો હતો તેમના પીઆરઓ દ્વારા અમને જણાવ્યુ હતુ કે, “વાયરલ વિડિયોના સંબંધમાં કોઈની ધરપકડ કરવામાં આવી નથી. પોલીસે એસ્ટાબ્લિશમેન્ટ સામે કેસ દાખલ કર્યો હતો અને જે કોન્સ્ટેબલે વિડિયો શૂટ કર્યો હતો અને તેને શેર કર્યો હતો તેને સસ્પેન્ડ કરવામાં આવ્યો હતો.”
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વિડિયો મધ્યપ્રદેશ પોલીસની કાર્યવાહીનો નહી પરંતુ ઉત્તરપ્રદેશની આગ્રા પોલીસ દ્વારા કરવામાં આવેલી કાર્યવાહીનો છે અને આ કેસમાં કોઈ કોમ્યુનલ એંગલ ન હોવાની પણ પૃષ્ટી થઈ છે.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
![Avatar](https://www.factcrescendo.com/wp-content/uploads/2019/03/False.png)
Title:આગ્રા પોલીસની કાર્યવાહીનો વિડિયો મધ્યપ્રદેશ પોલીસના નામે વાયરલ કરવામાં આવી રહ્યો... જાણો શું છે સત્ય....
Fact Check By: Frany KariaResult: False
![](https://gujarati.factcrescendo.com/wp-content/uploads/2021/03/Gujarati-2.png )