અભિનેત્રી તાપસી પન્નુએ તેની ફિલ્મ ‘દોબારા’ ફ્લોપ જતાં સિદ્ધિ વિનાયક મંદિરની મુલાકાત લીધી... જાણો શુ છે સત્ય...

તાજેતરમાં સોશિયલ મીડિયા પર બોલીવુડના બોયકોટના સમાચારોએ જોર પકડ્યું છે ત્યારે સોશિયલ મીડિયા પર અભિનેત્રી તાપસી પન્નુનો એક ફોટો વાયરલ થઈ રહ્યો છે. જેની સાથે લખાણમાં એવો દાવો કરવામાં આવી રહ્યો છે કે, અભિનેત્રી તાપસી પન્નુએ તેની ફિલ્મ ‘દોબારા’ ફ્લોપ જતાં સિદ્ધિ વિનાયક મંદિરની મુલાકાત લીધી. પરંતુ ફેક્ટ ક્રેસેન્ડોની પડતાલમાં આ દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં અભિનેત્રી તાપસી પન્નુનો જે ફોટો મૂકવામાં આવ્યો છે એ હાલનો નહીં પરંતુ વર્ષ 2019 માં જ્યારે તાપસી પન્નુએ તેના માતા-પિતા સાથે સિદ્ધિ વિનાયક મંદિરની મુલાકાત લીધી હતી એ સમયનો છે. આ ફોટોને ફિલ્મ ‘દોબારા’ સાથે કોઈ જ સંબંધ નથી. આ ફોટોને સોશિયલ મીડિયા પર ખોટી અને ભ્રામક રીતે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

Hetal Rajput નામના ફેસબુક યુઝર દ્વારા 22 ઓગષ્ટ, 2022 ના રોજ એક પોસ્ટ શેર કરવામાં આવી હતી. પોસ્ટના શીર્ષકમાં એવું લખવામાં આવ્યું છે કે, "દોબારા" પિક્ચર સુપર ફ્લોપ થયા પછી તાપસી પનું ને સિદ્ધિ વિનાયક મંદિર યાદ આવ્યું. . આ લખાણમાં એવો દાવો કરવામાં આવી રહ્યો છે કે, અભિનેત્રી તાપસી પન્નુએ તેની ફિલ્મ ‘દોબારા’ ફ્લોપ જતાં સિદ્ધિ વિનાયક મંદિરની મુલાકાત લીધી.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે સૌપ્રથમ અમે પોસ્ટમાં મૂકવામાં આવેલા ફોટોને ગુગલ રિવર્સ ઈમેજનો સહારો લઈને સર્ચ કરતાં અમને timesofindia.indiatimes.com દ્વારા તેના પોસ્ટમાં મૂકવામાં આવેલા આજ ફોટો સાથેના સમાચાર 26 ઓક્ટોમ્બર, 2019 ના રોજ પ્રસારિત કરવામાં આવ્યા હોવાની માહિતી પ્રાપ્ત થઈ હતી. જેમાં એવી માહિતી આપવામાં આવી હતી કે, વર્ષ 2019 માં અભિનેત્રી તાપસી પન્નુએ તેના માતા-પિતા સાથે મુંબઈના પ્રભાદેવી ખાતેના સિદ્ધિ વિનાયક મંદિરની મુલાકાત લીધી તે સમયનો આ ફોટો છે.

અમારી વધુ તપાસમાં અમને અભિનેત્રી તાપસી પન્નુંના આજ ફોટો સાથેના અન્ય સમાચાર પણ પ્રાપ્ત થયા હતા. જે તમે અહીં જોઈ શકો છો. mid-day.com | pinkvilla.com

Movie Talkies નામની સત્તાવાર યુટ્યુબ ચેનલ પર પણ આ વીડિયો ઉપરોક્ત માહિતી સાથે 25 ઓક્ટોમ્બર, 2019 ના રોજ અપલોડ કરવામાં આવ્યો હતો.

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં અભિનેત્રી તાપસી પન્નુનો જે ફોટો મૂકવામાં આવ્યો છે એ હાલનો નહીં પરંતુ વર્ષ 2019 માં જ્યારે તાપસી પન્નુએ તેના માતા-પિતા સાથે સિદ્ધિ વિનાયક મંદિરની મુલાકાત લીધી હતી એ સમયનો છે. આ ફોટોને ફિલ્મ ‘દોબારા’ સાથે કોઈ જ સંબંધ નથી.

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો)