Fact Check: શું ખરેખર અમદાવાદ પ્લેન ક્રેશ દરમિયાનનો આ વીડિયો છે.? જાણો શું છે સત્ય….

પોસ્ટ સાથે શેર કરવામાં આવેલો વીડિયો હાલમાં અમદાવાદમાં પ્લેન ક્રેશ સમય દરમિયાનનો નથી, આ વીડિયો 31 મેના ઈઝરાયલ દ્વારા ગાઝા પર કરવામાં આવેલા હુમલા દરમિયાનનો છે.

અમદાવાદ પ્લેન ક્રેશને લઈ ઘણા વીડિયો સોશિયલ મીડિયામાં વાયરલ થઈ રહ્યો છે. આ વચ્ચે એક વીડિયો વાયરલ થઈ રહ્યો છે જેમાં એક ધડાકો થતા આસપાસના લોકો ત્યા એક ઈમારત પાછળ બેસી જાય છે. આ વીડિયોને શેર કરીને દાવો કરવામાં આવી રહ્યો છે કે, “પ્લેન ક્રેશ થયુ તે સમયનો આ અમદાવાદનો વીડિયો છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 14 જૂન 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “પ્લેન ક્રેશ થયુ તે સમયનો આ અમદાવાદનો વીડિયો છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે વાયરલ થઈ રહેલા વીડિયોનો સ્ક્રિનશોટ લઈ અને ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા. 

ઉપરોક્ત પરિણામો પરથી અમને લાઈટ ઈન ગાઝાના કોએડિટર દ્વારા પોસ્ટ કરવામાં આવેલો આ વાયરલ વીડિયો પ્રાપ્ત થયો હતો જે 31 મે 2025ના અપલોડ કરવામાં આવ્યો હતો. જેની સાથે માહિતી આપવામાં આવી હતી કે, “આ વીડિયો ગાઝાનો છે. ઇઝરાયલ ગાઝાના જૂના શહેરનો વ્યવસ્થિત રીતે નાશ કરી રહ્યું છે.” 

View this post on Instagram

A post shared by Jehad Abusalim (@jehadabusalim)

તેમજ વધુ સર્ચ કરતા અમને Quds News Network દ્વારા પ્રસારિત આ જ વીડિયો પ્રાપ્ત થયો હતો, જે પણ 31 મે 2025ના શેર કરવામાં આવ્યો હતો. જેની સાથે પણ માહિતી આપવામાં આવી હતી કે, “સવારથી અટક્યા વિનાના ક્રૂર હુમલાઓ… ગાઝા શહેરમાં એક રહેણાંક સંકુલ પર કબજો જમાવનારા દળોએ બોમ્બમારો કર્યો તે ક્ષણનું એક દ્રશ્ય.”

તેમજ ગાઝાના સ્થાનિક મીડિયા દ્વારા પણ આ જ વીડિયો સાથે માહિતી આપતા અહેવાલ પ્રસારિત કરવામાં આવ્યો હતો. જે તમે નીચે જોઈ શકો છો. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો હાલમાં અમદાવાદમાં પ્લેન ક્રેશ સમય દરમિયાનનો નથી, આ વીડિયો 31 મેના ઈઝરાયલ દ્વારા ગાઝા પર કરવામાં આવેલા હુમલા દરમિયાનનો છે. 

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)