શું ખરેખર કર્ણાટકમાં લોકોએ સીએમ બસવરાજ બોમ્મઈને માર માર્યો…? જાણો શું છે સત્ય….

આ વીડિયો 2018નો છે જ્યારે કર્ણાટકના હાવેરી જિલ્લામાં એક પ્રદર્શન દરમિયાનનો છે. જેમાં બસવરાજ બોમ્મઈ ઘાયલ થયા હતા.

કર્ણાટકમાં 10 મેના રોજ વિધાનસભાની ચૂંટણી યોજાઈ હતી. પરિણામ 13 મેના રોજ આવશે. દરમિયાન, કર્ણાટકના સીએમ બસવરાજ બોમ્મઈનો હોવાનો દાવો કરતો એક વીડિયો સોશિયલ મીડિયા પર ખૂબ વાયરલ થઈ રહ્યો છે. જેમાં દાવો કરવામાં આવી રહ્યો છે કે, “સીએમ બોમ્મઈ એક ગામમાં વોટ માંગવા ગયા હતા, જ્યાં લોકો દ્વારા તેમને માર મારવામાં આવ્યો હતો.”

શું દાવો કરવામાં આવી રહ્યો છે.?

Zala Mahesh નામના ફેસબુક યુઝર દ્વારા તારીખ 10 મે 2023ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “સીએમ બોમ્મઈ એક ગામમાં વોટ માંગવા ગયા હતા, જ્યાં લોકો દ્વારા તેમને માર મારવામાં આવ્યો હતો.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે કેટલાક કીવર્ડની મદદથી સર્ચ કરવા પર અમને એવો કોઈ રિપોર્ટ મળ્યો ન હતો, જેમાં બસવરાજ બોમ્મઈ પર હુમલો થયો હોવાનો ઉલ્લેખ હોય. 

ત્યારબાદ અમે ગૂગલ પર કીવર્ડ સાથે સર્ચ કરતા અમને પબ્લીક ટીવી નામની ઓફિશિયલ યુટ્યુબ ચેનલ પર આ ઘટનાનો બીજા એંગલથી લેવામાં આવેલો વીડિયો પ્રાપ્ત થયો હતો. જે 29 જાન્યુઆરી 2018ના અપલોડ કરવામાં આવ્યો હતો. 

આ વીડિયો સાથે માહિતી આપવામાં આવી હતી કે, આ ઘટના હાવેરીમાં બનવા પામી હતી, “પાક વીમાના વિરોધ દરમિયાન ભાજપના કાર્યકરોએ પોલીસ પર ગાયનું છાણ અને ટામેટા ફેંક્યા.” આ વીડિયો તમે નીચે જોઈ શકો છો.

તેમજ અમે ગૂગલ પર આ ઘટનાને લઈ સર્ચ કરતા અમને ટાઈમ્સ ઓફ ઈન્ડિયાનો એક અહેવાલ પ્રાપ્ત થયો હતો. જેમાં માહિતી આપવામાં આવી હતી કે, “કર્ણાટકના હાવેરીમાં, 29 જાન્યુઆરી 2018 ના રોજ, ભાજપના કાર્યકરોએ કલેક્ટર કચેરી અને પોલીસ સ્ટેશનની સામે વિરોધ પ્રદર્શન કર્યું. તે સમયે રાજ્યમાં કોંગ્રેસની સરકાર હતી. ભાજપે પાક વીમાના નાણાં મળવામાં વિલંબ અને અન્ય કેટલીક માંગણીઓને લઈને વિરોધ કર્યો હતો. તે સમયે બસવરાજ બોમ્મઈ શિગગાંવ સીટના ધારાસભ્ય હતા અને વિરોધમાં સામેલ હતા.” 

Times of India | Archive

જ્યારે ભાજપના કાર્યકરો આક્રમક બન્યા ત્યારે પોલીસે તેમને કાબૂમાં લેવાનો પ્રયાસ કર્યો હતો, જેમાં બસવરાજ બોમ્મઈને આંખમાં ઈજા થઈ હતી. ભાજપના કેટલાક કાર્યકરોની પોલીસે ધરપકડ પણ કરી હતી. પરંતુ આ રિપોર્ટમાં એવું લખવામાં આવ્યું નથી કે લોકોએ બોમ્મઈને માર માર્યો હતો. આ ઘટનાને લઈને બીજા ઘણા સમાચાર પ્રકાશિત થયા હતા, જે અહીં અને અહીં જોઈ શકાય છે. 

તેમજ બસવરાજ બોમ્મઈ દ્વારા તેમના ઓફિશિયલ ફેસબુક પેજ પર પણ આ વિરોધ પ્રદર્શનના ફોટો શેર કર્યા હતા. જે તમે નીચે જોઈ શકો છો.

પરિણામ 

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, આ વીડિયો 2018નો છે જ્યારે કર્ણાટકના હાવેરી જિલ્લામાં એક પ્રદર્શન દરમિયાનનો છે. જેમાં બસવરાજ બોમ્મઈ ઘાયલ થયા હતા. હાલમાં માર મારવામાં આવ્યો હોવાની વાત તદ્દન ખોટી છે. 

તેમજ 

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)