સોનિયા ગાંધી, પુતિન અને મનમોહન સિંહના ફોટોને ખોટા દાવા સાથે વાયરલ કરવામાં આવી રહ્યો…. જાણો શું છે સત્ય….

હાલમાં રશિયાના રાષ્ટ્રપતિ પુતિન ભારતની મુલાકાતે આવ્યા હતા. દરમિયાન તેમનુ ભવ્ય સ્વાગત કરવામાં આવ્યુ હતુ. આ વચ્ચે તેમનો સોનિયા ગાંધી, પૂર્વ વડાપ્રધાન મનમોહન સિંહ સાથેનો એક ફોટો વાયરલ કરવામાં આવી રહ્યો છે અને દાવો કરવામાં આવી રહ્યો છે કે, “આ ફોટો મનમોહન સિંહ જે સમયે પીએમ હતા તે સમયનો છે ત્યારે તેમને સાઈડમાં કરી દેવામાં આવ્યા હતા.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 06 ડિસેમ્બર 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “આ ફોટો મનમોહન સિંહ જે સમયે પીએમ હતા તે સમયનો છે ત્યારે તેમને સાઈડમાં કરી દેવામાં આવ્યા હતા.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ અમે પોસ્ટ સાથે શેર કરવામાં આવેલા ફોટોને ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.

ઉપરોક્ત પરિણામો પરથી અમને કોંગ્રેસના ઓફિશિયલ ટ્વિટર એકાઉન્ટ પર શેર કરવામાં આવેલો આ જ ફોટો પ્રાપ્ત થયો હતો. જે 11 ડિસેમ્બર 2014ના અપલોડ કરવામાં આવ્યો હતો. જેની સાથે માહિતી આપવામાં આવી હતી કે, “ભૂતપૂર્વ પ્રધાનમંત્રી ડૉ. મનમોહન સિંહ, કોંગ્રેસ અધ્યક્ષ શ્રીમતી સોનિયા ગાંધી, ઉપાધ્યક્ષ રાહુલ ગાંધી રશિયાના રાષ્ટ્રપતિ વ્લાદિમીર પુતિન સાથે મુલાકાત કરી રહ્યા છે.” 

Former PM Dr Manmohan Singh,Congress Prez Smt. Sonia Gandhi,VP Rahul Gandhi meeting Russian President Vladimir Putin pic.twitter.com/rAwVdtsor6

— Congress (@INCIndia) December 11, 2014

Archive

તેમજ વધુ સર્ચ કરતા અમને જાણવા મળ્યુ હતુ કે, નરેન્દ્ર મોદીએ પ્રધાનમંત્રી તરીકેનો કાર્યભાર 26 મે 2014ના સંભાળ્યો હતો. જ્યારે રશિયાના રાષ્ટ્રપતિ પુતિન દ્વારા ડિસેમ્બર 2014માં ભારતની મુલાકાત લીધી હતી. જેથી સાબિત થાય છે કે, આ ફોટો મનમોહન સિંહ પ્રધાનમંત્રી હતા તે સમયનો નથી આ ફોટોને ખોટા દાવા સાથે વાયરલ કરવામાં આવી રહ્યો છે.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો ફોટો મનમોહન સિંહના કાર્યકાળ દરમિયાનનો નથી. આ ફોટો ડિસેમ્બર 2014નો છે તે સમયે મનમોહન સિંહ પ્રધાનમંત્રી ન હતા. આ ફોટોને ભ્રામક દાવા સાથે શેર કરવામાં આવી રહ્યો છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)