શું ખરેખર અમેરિકામાં લાગેલી આગ બાદ લોકોની ભીડનો વીડિયો છે…? જાણો શું છે સત્ય….

અમેરિકાના લોસ એનજલ્સમાં લાગેલી આગ બાદ વીડિયો સોશિયલ મીડિયામાં વાયરલ થઈ રહ્યા છે. આ વચ્ચે એક વીડિયો વાયરલ થઈ રહ્યો છે જેમાં લોકોની ભીડ રસ્તા પર ચાલતી જોઈ શકાય છે. આ વીડિયોને શેર કરીને દાવો કરવામાં આવી રહ્યો છે કે, “અમેરિકામાં લાગેલી આગ બાદ પોતાનું ઘર છોડી જઈ રહેલા લોકોનો વીડિયો છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 17 જાન્યુઆરી 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “અમેરિકામાં લાગેલી આગ બાદ પોતાનું ઘર છોડી જઈ રહેલા લોકોનો વીડિયો છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ અમે પોસ્ટ સાથે શેર કરવામાં આવેલા વીડિયોને ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા. 

ઉપરોક્ત પરિણામો પરથી અમને 26 ઓગસ્ટ 2024ના ફેસબુક પર અપલોડ કરવામાં આવેલો વીડિયો પ્રાપ્ત થયો હતો. જેની સાથે માહિતી આપવામાં આવી હતી કે, “યુક્રેન સરકાર દ્વારા ઓર્થોડોક્સ ચર્ચની ગતિવિધિઓપર લગાયેલા પ્રતિબંધનો વિરોધ કરવામાં આવ્યો હતો.” 

તેમજ વધુ સર્ચ કરતા અમને UKRINFORM દ્વારા 25 ઓગસ્ટ 2024ના પ્રસારિત એક અહેવાલ પ્રાપ્ત થયો હતો. જેની સાથે માહિતી આપવામાં આવી હતી કે, “Pochaiv Lavra ની ઈસાઈ મોનેસ્ટ્રીમાં થવા વાળા વાર્ષિક તહેવારમાં લગભગ 30000 લોકો ચાલીને પહોચયા હતા. જેમણે 200 કિલોમિટરનું અંતર એક અઠવાડિયામાં પુરૂ કર્યુ હતુ.”  

Archive

તેમજ વધુ સર્ચ કરતા અમને આ અંગે માહિતી આપતા મીડિયા અહેવાલ પ્રાપ્ત થયા હતા. જેને તમે આ લિંક પર ક્લિક કરીને વાંચી શકો છો. 

પરિણામ 

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો હાલમાં લોસ એન્જલ્સમાં લાગેલી આગ બાદનો નહિં પરંતુ વર્ષ 2024ના ઓગસ્ટ મહિનાનો યુક્રેનનો છે. હાલની પરિસ્થિતી સાથે તેને કોઈ લેવા-દેવા નથી.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)