કેલિફોર્નિયામાં લાગેલી આગ બાદ વાયરલ થઈ રહેલા પ્લેન ક્રેશના વીડિયોનું જાણો શું છે સત્ય….

વાયરલ થઈ રહેલા પ્લેન ક્રેશના વીડિયોને લોસ એન્જલસના જંગલમાં લાગેલી આગ સાથે કોઈ સંબંધ નથી. જાન્યુઆરી 2024નો આ વીડિયો દક્ષિણ અમેરિકાના દેશ ચિલીનો છે.

અમેરિકાના લોસ એન્જલસના જંગલોમાં લાગેલી આગની સમ્રગ વિશ્વમાં ચર્ચાઓ ચાલી રહી છે. હજારો લોકો વિસ્થાપિત થયા છે અને 12,000 થી વધુ ઇમારતોનો નાશ થયો છે. ફાયર વિભાગ આ આગને કાબુમાં લેવા માટે સંઘર્ષ કરી રહ્યા છે, ત્યારે એક વિમાન આગમાં લપેટાઈ ગયું હતું અને આખરે હાઇવે પર ક્રેશ થયું હતું તેનો વીડિયો ખૂબ વાયરલ થઈ રહ્યો છે.  જે વીડિયોને શેર કરીને દાવો કરવામાં આ રહ્યો છે કે, “આ વિમાન લોસ એન્જલસમાં જંગલની આગને કાબુમાં લેવા માટે જઈ રહ્યું હતું, પરંતુ રસ્તામાં જ ક્રેશ થઈ ગયું.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 12 જાન્યુઆરી 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “આ વિમાન લોસ એન્જલસમાં જંગલની આગને કાબુમાં લેવા માટે જઈ રહ્યું હતું, પરંતુ રસ્તામાં જ ક્રેશ થઈ ગયું.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ અમે વાયરલ વીડિયોને ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા. 

ઉપરોક્ત પરિણામો પરથી અમને આ વીડિયો જાન્યુઆરી 2024ના સમાચાર અહેવાલોમાં મળ્યો હતો. અમે જોયું કે વાયરલ વીડિયો તે અહેવાલોમાં વીડિયોનો ઉલટી બાજુનો વીડિયો હતો.

Archive

આ વીડિયો ચિલીના તાલ્કા શહેરનો હોવાનું કહેવાય છે જ્યાં 15 જાન્યુઆરી 2024ના એરપોર્ટ નજીક એક વિમાન ક્રેશ થયું હતું. વિમાન આગને કાબુમાં લેવા માટે જઈ રહ્યું હતું ત્યારે પાઇલટે નિયંત્રણ ગુમાવ્યા પછી તે ક્રેશ થયું. પાઇલટનું મૃત્યુ થયું, અને અન્ય ચાર ઘાયલ થયા.

તેમજ વધુ સર્ચ કરતા અમને ડેઈલી મેલ અહેવાલ પ્રાપ્ત થયો હતો, જેમાં પણ આ  વિમાન દુર્ઘટના વિશે વિસ્તૃત માહિતી આપવામાં આવી હતી.

તેમજ અલ ઝલજીરા દ્વારા પણ તેમની ઓફિશીયલ યુટ્યુબ ચેનલ પર આ વીડિયો સાથે વિસ્તૃત માહિતી આપતો અહેવાલ પ્રસારિત કર્યો હતો. જે તમે નીચે જોઈ શકો છો. 

પરિણામ 

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલા વીડિયોને લોસ એન્જલસના જંગલમાં લાગેલી આગ સાથે કોઈ સંબંધ નથી. જાન્યુઆરી 2024નો આ વીડિયો દક્ષિણ અમેરિકાના દેશ ચિલીનો છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)