નાના બાળકને સ્તનપાન કરાવતી બાળકીનો આ વીડિયોને તુર્કીના ભૂકંપ સાથે કોઈ સબંધ નથી…જાણો શું છે સત્ય….

બાળકીનો આ વીડિયો ઈન્ટરનેટ પર નવેમ્બર 2022થી ઉપલબ્ધ છે. જ્યારે તુર્કી-સિરીયામાં ભૂકંપ ફેબ્રુઆરી 2023માં આવ્યો હતો.

તુર્કીના વિનાશકારી ભૂકંપ બાદ સાચા-ખોટા વીડિયોતી સોશિયલ મીડિયા છલકાઈ ગયુ હતુ. ખોટા વીડિયોને લઈ ઘણા ફેક્ટચેક ફેક્ટક્રેસન્ડોની ગુજરાતી ટીમ દ્વારા કરવામાં આવ્યા હતા. ત્યારે હાલમાં એક વીડિયો વાયરલ થઈ રહ્યો છે જે વીડિયોમાં એક નાની બાળકી તેના નાના ભાઈને સ્તનપાન કરવવાનો પ્રયાસ કરી રહી છે.  આ વિડિયોને શેર કરીને દાવો કરવામાં આવી રહ્યો છે કે, “તુર્કીના ભૂકંપ બાદ આ બાળકી તેના ભાઈન સ્તનપાન કરાવી માતાનો અહેસાસ કરાવી રહી છે.”

શું દાવો કરવામાં આવી રહ્યો છે.?

Multi Zainulabedin Patel Qasmi નામના ફેસબુક યુઝર દ્વારા તારીખ 17 ફેબ્રુઆરી 2023ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “તુર્કીના ભૂકંપ બાદ આ બાળકી તેના ભાઈન સ્તનપાન કરાવી માતાનો અહેસાસ કરાવી રહી છે.”

Facebook | Fb post Archive 

FACT CHECK

તુર્કી-સીરિયાના વિસ્તારોમાં ભૂકંપ 6 અને 7 ફેબ્રુઆરીએ આવ્યો હતો. પરંતુ જ્યારે અમે આ વીડિયોને કી ફ્રેમ્સમાં થી સર્ચ કરતા અમને જાણવા મળ્યું કે, આ વીડિયો ઈન્ટરનેટ પર 26 નવેમ્બર, 2022 પહેલાનો ઉપલબ્ધ છે. ટિસ્ટેનોટ પ્લેટફોર્મમાં પર આ વીડિયો અપલોડ કરેલો જોઈ શકાય છે.

તેમજ તેની પ્રોફાઈલ જોતા તેમણે આ બાળકીના ઘણા વીડિયો અપલોડ કર્યા હતા. જે તમે નીચે જોઈ શકો છો. જેમાં આ વીડિયો પણ જોઈ શકાય છે. જે ગત વર્ષે અપલોડ કરવામાં આવ્યો હતો. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, બાળકીનો આ વીડિયો ઈન્ટરનેટ પર નવેમ્બર 2022થી ઉપલબ્ધ છે. જ્યારે તુર્કી-સિરીયામાં ભૂકંપ ફેબ્રુઆરી 2023માં આવ્યો હતો. જેના પરથી સ્પષ્ટ છે કે આ વીડિયોને હાલના ભૂકંપ સાથે કોઈ લેવા-દેવા નથી.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)