શું ખરેખર હોળીના તહેવાર પર એરફોર્સ દ્વારા ઉજવણી કરવામાં આવી તેનો વીડિયો છે…? જાણો શું છે સત્ય….

યુએઈના એરશો દરમિયાનનો આ વીડિયો છે. આ વીડિયોને ભારતીય એરફોર્સ સાથે કોઈ લેવા-દેવા નથી. 

દેશભરમાં હોળીનો તહેવાર ખૂબ ધામધૂમથી ઉજવાયો હતો. આ વચ્ચે એરફોર્સના પ્લેનનો એક વીડિયો સોશિયલ મીડિયામાં વાયરલ થઈ રહ્યો છે. જેમાં તમે એરફોર્સના પ્લેન દ્વારા કરવામાં આવતા કરતબ જોઈ શકાય છે, આ વીડિયોને શેર કરીને દાવો કરવામાં આવી રહ્યો છે કે, “એરફોર્સ દ્વારા હોળીના તહેવારને લઈ કરવામાં આવેલી ઉજવણીનો આ વીડિયો છે.”

શું દાવો કરવામાં આવી રહ્યો છે.?

અમિતકુમાર એમ સોની નામના ફેસબુક યુઝર દ્વારા તારીખ 09 માર્ચ 2023ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “એરફોર્સ દ્વારા હોળીના તહેવારને લઈ કરવામાં આવેલી ઉજવણીનો આ વીડિયો છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે પોસ્ટ સાથે શેર કરવામાં આવેલા વીડિયોનો સ્ક્રિનશોટ લઈ અને ગૂગલ રિવર્સ ઈમેજ અને યાન્ડેક્ષ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.

ઉપરોક્ત પરિણામો પરથી અમને 1 ડિસેમ્બર 2015ના Oloumaldar નામના ટ્વિટર યુઝર્સ દ્વારા શેર કરવામાં આવેલુ ટ્વિટ પ્રાપ્ત થયુ હતુ. જેમાં માહિતી આપવામાં આવી હતી કે, “44માં રાષ્ટ્રીય દિવસની ઉજવણીના ભાગરૂપે રાજધાની અબુધાબીમાં અલ-ફુરસાન દ્વારા પ્રદર્શન કરવામાં આવ્યુ.” 

عروض فريق الفرسان تزيّن سماء العاصمة #أبوظبي بأجمل وأبهى الألوان ضمن الاحتفالات بـ #اليوم_الوطني44 pic.twitter.com/1MH4VQKGF1

— علوم الدار – مركز الاتحاد للأخبار (@oloumaldar) December 1, 2015

Archive

તેમજ Aviation International News દ્વારા આ પ્રદર્શનનો સંપૂર્ણ વીડિયો તેમની યુટ્યુબ ચેનલ પર પ્રસારિત કર્યો હતો. જેમાં બીજા એંગલથી વાયરલ વીડિયોને જોઈ શકાય છે. જે તમે નીચે જોઈ શકો છો.

તેમજ Alamy.com નામની વેબસાઇટ પર આ એરશો દરમિયાનના ફોટો જોવા મળ્યા હતા. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો યુએઈના વર્ષ 2015ના એરશો દરમિયાનનો છે. ભારતના એરફોર્સ દ્વારા આ પ્રકારે કોઈ હોળીની ઉજવણી કરવામાં આવી નથી.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)