દ્વારકા જગત મંદિર પર વીજળી પડી હોવાની વાત તદ્દન ખોટી છે... જાણો શું છે સત્ય....

13 જૂલાઈ 2021માં દ્વારકા જગત મંદિર પર વીજળી પડી હતી. આ વર્ષે વીજળી પડી હોવાની વાત તદ્દન ખોટી છે. વર્ષ 2021ના ફોટોને હાલમાં વીજળી પડી હોવાની વાત તદ્દન ખોટી છે.

ગુજરાતમાં સૌરાષ્ટ્રમાં વરસાદી માહોલ ખૂબ જામ્યો છે ત્યારે હાલમાં એક મેસેજ વાયરલ થઈ રહ્યો છે. જેમાં જણાવવામાં આવ્યુ છે કે, “દ્વારકાના દ્વારકાધીશ જગતમંદિર પર વરસાદી માહોલ વચ્ચે વીજળી પડી હતી.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 22 જૂલાઈ 2024ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “દ્વારકાના દ્વારકાધીશ જગતમંદિર પર વરસાદી માહોલ વચ્ચે વીજળી પડી હતી.”

Facebook | Fb post Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે પોસ્ટ સાથે શેર કરવામાં આવેલા ફોટોને ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.

ઉપરોક્ત પરિણામો પરથી અમને 13 જૂલાઈ 2021ના આ ફોટો ફેસબુક પર પ્રાપ્ત થયો હતો. જેની સાથે માહિતી આપવામાં આવી હતી કે, “યાત્રાધામ દ્વારકા ના જગત મંદિર પર વીજળી પડતાં દ્ર્શ્યો સામે આવ્યા, ધ્વજા જી ના સ્તંભ ને નુકશાન સાથે ધ્વજા ને પણ નુકશાન, આ તકે લોકો એ દ્વારકા નું સંકટ ભગવાને લઇ ટાળી દીધા.”

Facebook | Archive

તેમજ એબીપી અસ્મિતા દ્વારા પણ 13 જૂલાઈ 2021ના આ ઘટનનાને લઈ સમાચાર પ્રસારિત કરવામાં આવ્યા હતા. જે તમે નીચે જોઈ શકો છો.

તેમજ વીજળી પડ્યા બાદ બીજે દિવસે દ્વારકા જગતમંદિર પર ધ્વજા અડધી કાઠીએ ફરકાવવામાં આવી હતી. જે અંગે વિસ્તૃત માહિતી આપતો અહેવાલ વીટીવી ગુજરાતી દ્વારા પ્રસારિત કરવામાં આવ્યો હતો. જે તમે નીચે જોઈ શકો છો.

VTV GUJARATI NEWS | ARCHIVE

તેમજ હાલમાં કોઈ વીજળી પડી છે કે નહીં તે જાણવા અમે સ્થાનિક પ્રશાસન અને જગત મંદિરનો સંપર્ક સાધ્યો હતો, તેમણે અમને જણાવ્યુ હતુ કે, હાલમાં આ પ્રકારે કોઈ વીજળી દ્વારકા જગત મંદિર પર પડી નથી. આ વાત તદ્દન ખોટી છે. હાલમાં વીજળી પડી હોવાની એક માત્ર અફવા જ છે.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, હાલમાં આ પ્રકારે કોઈ વીજળી દ્વારકા જગત મંદિર પર પડી નથી. આ વાત તદ્દન ખોટી છે. હાલમાં વીજળી પડી હોવાની એક માત્ર અફવા જ છે. વીજળી આજથી ત્રણ વર્ષ પહેલા 13 જૂલાઈ 2021ના પડી હતી. હાલમાં પડી નથી.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)