વીડિયોમાં દેખાતી છોકરી કિશોર કુમારની પૌત્રી નથી… ખોટા દાવા સાથે વીડિયો વાયરલ…

વાયરલ વીડિયોમાં ગીત ગાતી છોકરી અનન્યા સબનીસ કિશોર કુમારની પૌત્રી નથી. આ વીડિયો ખોટા દાવા સાથે વાયરલ થઈ રહ્યો છે.

“દીવાન હુઆ બાદલ” ગીત ગાતી એક છોકરીનો વીડિયો સોશિયલ મીડિયા પર વાયરલ થઈ રહ્યો છે. જે વીડિયોને શેર કરીને દાવો કરવામાં આવે છે કે, “ગીત ગાતી છોકરી અમિત કુમારની પુત્રી અને કિશોર કુમારની પૌત્રી છે.”

શું દાવો કરવામાં આવી રહ્યો છે.?

S.H. Pandya નામના ફેસબુક યુઝર દ્વારા તારીખ 10 જૂન 2023ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “ગીત ગાતી છોકરી અમિત કુમારની પુત્રી અને કિશોર કુમારની પૌત્રી છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે કીવર્ડ સર્ચ કરતા અમને 18 સપ્ટેમ્બર, 2020 ના રોજ અપલોડ કરવામાં આવેલ યુટ્યુબ પર આ વીડિયો મળ્યો. વીડિયોની સાથે એક કેપ્શન હતું જેમાં લખ્યું હતું, “અનન્યા સબનીસના દિવાના હુઆ બાદલ.”

તમે નીચે આ વિડિયો જોઈ શકો છો.

વધુ શોધ કરતાં અનન્યા સબનીસનું સત્તાવાર ફેસબુક એકાઉન્ટ બહાર આવ્યુ અને તે એક વ્યાવસાયિક ગાયિકા હોવાનું બહાર આવ્યું.

જ્યારે ફેક્ટ ક્રેસેન્ડોએ અનન્યા સબનીસના માર્ગદર્શક ઉષા ટિમોથીનો સંપર્ક કર્યો ત્યારે તેમણે કહ્યું, “અનન્યા સબનીસ મારી શિષ્યા છે, તે મહારાષ્ટ્રીયન છોકરી છે અને કિશોર કુમાર સાથે તેનો કોઈ સંબંધ નથી.”

જેના પરથી સ્પષ્ટ થાય છે કે આ વીડિયોમાં દેખાતી છોકરી કિશોર કુમારની પૌત્રી નહીં પણ અમિત કુમારની પુત્રી છે.

કિશોર કુમારની પૌત્રી કોણ છે?

કિશોર કુમારના પુત્ર અમિત કુમારને બે પુત્રીઓ છે. તેમના નામ વૃંદા (27) અને મુક્તિકા (18) છે. આ બંને યુવતીઓ ગાયિકા પણ છે.

આગળ અમને અમિત કુમાર ગાંગુલીના અધિકૃત યુટ્યુબ એકાઉન્ટ પર 2015માં ગાયક મુક્તિકા ગાંગુલીના પ્રથમ ગીત આલ્બમ “બાબા મેરે” ના લોન્ચિંગનો વીડિયો મળ્યો.

ઉપરાંત, અમિત કુમારે 3 મે, 2019 ના રોજ તેમના સત્તાવાર ફેસબુક એકાઉન્ટ પરથી વૃંદા ગાંગુલી સાથેનો એક વીડિયો શેર કર્યો છે.

નીચે આપેલા તુલનાત્મક ફોટા જોયા પછી, આપણે જાણીએ છીએ કે વાયરલ વિડિયોમાં ગાયક છોકરી અનન્યા સબનીસ છે અને કિશોર કુમારની પિતરાઈ વૃંદા અને મુક્તિકા નથી.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, વાયરલ વીડિયોમાં ગીત ગાતી છોકરી અનન્યા સબનીસ કિશોર કુમારની પૌત્રી નથી. આ વીડિયો ખોટા દાવા સાથે વાયરલ થઈ રહ્યો છે. 

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)