23 વર્ષ જૂના ફોટોને હાલમાં તુર્કીમાં આવેલા ભૂકંપ સાથે જોડી વાયરલ કરવામાં આવી રહ્યો… જાણો શું છે સત્ય….

પોસ્ટ સાથે શેર કરવામાં આવેલો ફોટો હાલમાં તુર્કીમાં આવેલા ભૂકંપનો નથી, આ ફોટો વર્ષ 1999માં દુજસેમાં આવેલા ભૂકંપનો ફોટો છે.

હાલમાં તુર્કી અને સિરીયામાં આવેલા ભૂકંપના કારણે સોશિયલ મીડિયામાં ઘણી પોસ્ટ વાયરલ થઈ રહી છે. આ વચ્ચે એક ફોટો વાયરલ થઈ રહ્યો છે જેમાં વૃદ્ધના હાથમાં ત્રણ રોટલી જોઈ શકાય છે અને પાછળ ત્રણ માળના મકાનનો કાટમાળ જોવા મળી રહ્યો છે. આ ફોટોને શેર કરીને દાવો કરવામાં આવી રહ્યો છે કે, “હાલમાં તુર્કીમાં આવેલા ભૂકંપ બાદની આ તસ્વીર છે.”

શું દાવો કરવામાં આવી રહ્યો છે.?

કમલેશ વિનુભાઈ પટેલ નામના ફેસબુક યુઝર દ્વારા તારીખ 13 ફેબ્રુઆરી 2023ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “હાલમાં તુર્કીમાં આવેલા ભૂકંપ બાદની આ તસ્વીર છે.”

Facebook | Fb post Archive | Facebook | Facebook

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે પોસ્ટ સાથે શેર કરવામાં આવેલા ફોટોને ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.

ઉફરોક્ત પરિણામો પરથી અમને Hurriyet Daily News નામની વેબસાઇટ પર પ્રસારિત અહેવાલમાં આ તસ્વીર પ્રાપ્ત થઈ હતી. જે અહેવાલ 13 નવેમ્બર 2020ના પ્રસારિત કરવામાં આવ્યો હતો. તેમજ તેની સાથે માહિતી આપવામાં આવી હતી કે, દુજસે ભૂકંપને 21 વર્ષ પુરા થયા હતા. 

તેમજ આ ક્લુના આધારે અમે ગૂગલ પર સર્ચ કરતા અમને એલ્મુન્ડો દ્વારા પ્રકાશિત અહેવાલ પ્રાપ્ત થયો હતો. જે 14 નવેમ્બર 1999ના પ્રકાશિત કરવામાં આવ્યો હતો. આ અહેવાલમાં તે સમયે તુર્કીમાં આવેલા ભૂકંપ વિશે માહિતી આપવામાં આવી હતી.

રિસર્ચગેટ નામની વેબસાઈટ પર આ અહેવાલ સાથે આપવામાં આવેલી માહિતીમાં જણાવવામાં આવ્યુ હતુ કે, આ ફોટો અબ્દુર્રહમાન અંતક્યાલી નામના ફોટોગ્રાફરે લીધો છે. 

ત્યારબાદ અમને આ ફોટોગ્રાફરની ઇન્સ્ટાગ્રામ પ્રોફાઇલ પણ મળી. જેમાં જાણવા મળ્યું છે કે ફોટોગ્રાફરે પોતે 12 નવેમ્બર 2014ના રોજ આ તસવીર શેર કરી હતી. સાથે લખ્યું હતું કે તેણે આ તસવીર દુજસે ભૂકંપ દરમિયાન લીધી હતી.

View this post on Instagram

A post shared by Abdurrahman Antakyali (@fotomuhabiri)

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો ફોટો હાલમાં તુર્કીમાં આવેલા ભૂકંપનો નથી, આ ફોટો વર્ષ 1999માં દુજસેમાં આવેલા ભૂકંપનો ફોટો છે. 

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)