રાકેશ જુનજુનવાલાના ડાન્સના વિડિયોનું શું છે સત્ય… સંપૂર્ણ માહિતી માટે અહેવાલ વાંચો…

રાકેશ જુનજુનવાલાનો આ વિડિયો વર્ષ 2021નો તેમના જન્મ દિવસના દરમિયાનનો આ વિડિયો છે.

છેલ્લા કેટલાક સમયથી બિમાર રહેતા બિઝનેસ ટાયકૂન રાકેશ જુનજુનવાલાનું 14 ઓગસ્ટના રોજ હાર્ટ એટેકથી અવસાન થયું હતું. આ પછી, તેમનો હિન્દી ગીત પર ડાન્સ કરતો એક વિડિયો ઇન્ટરનેટ પર વાયરલ થઈ રહ્યો છે. તમે જોઈ શકો છો કે તેઓ વ્હીલ ચેર પર બેસીને ગીતની મજા માણી રહ્યા છે. આ સાથે એવો દાવો કરવામાં આવી રહ્યો છે કે “રાકેશ જુનજુનવાલાના મૃત્યુ પહેલાનો આ તેમનો છેલ્લો વિડિયો છે.”

શું દાવો કરવામાં આવી રહ્યો છે.?

Dharmesh S Shah નામના ફેસબુક યુઝર દ્વારા તારીખ 14 ઓગસ્ટ 2022ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “રાકેશ જુનજુનવાલાના મૃત્યુ પહેલાનો આ તેમનો છેલ્લો વિડિયો છે.”

Facebook | Fb post Archive | Fb video archive

ફેસબુક પર મોટી સંખ્યામાં યુઝર દ્વારા તેને આ જ દાવા સાથે શેર કરવામાં આવી રહ્યો છે. 

FACT CHECK

આ વિડિયોની સત્યતા જાણવા માટે અમે યુટ્યુબ પર કીવર્ડ સર્ચ કર્યું. અમને 14 ઓગસ્ટના રોજ બિઝનેસ ટુડે પર પ્રસારિત થયેલો આ જ વિડિયો મળ્યો. તેમાં આપવામાં આવેલી માહિતીમાં જણાવવામાં આવ્યું છે કે આ વિડિયો 5 જુલાઈ 2021નો છે. તેમણે તેમના જન્મદિવસ પર ડાન્સ કર્યો હતો અને આ વિડિયો તેનો છે.

Archive 

તેમજ વધુ તપાસ કરતા અમને આ વિડિયો શેરનોમિક્સ નામની યુટ્યુબ ચેનલ પર 15 ઓગસ્ટ 2021ના રોજ પ્રસારિત થયેલો જોવા મળ્યો. અહેવાલ છે કે રાકેશ ઝુનઝુનવાલા તેની પત્ની અને તેમના નજીકના મિત્રો ઉત્પલ સેઠ, અમિત ગોયલ સાથે “કજરા કે” ગીત પર ડાન્સ કરી રહ્યા હતા.

Archive

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વિડિયો હાલનો નહિં પરંતુ વર્ષ 2021ના રાકેશ જુનજુનવાલાના જન્મદિવસ દરમિયાનનો છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)