જાણો ઘાયલ થયેલા ભાજપના નેતા મનોજ તિવારીના વાયરલ વીડિયોનું શું છે સત્ય…

તાજેતરમાં સોશિયલ મીડિયા પર ભાજપના નેતા મનોજ તિવારીનો એક વીડિયો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, તાજેતરમાં ભાજપના નેતા મનોજ તિવારી પર હુમલો થયો અને તે ઘાયલ થયા તેનો આ વીડિયો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો અને પાયાવિહોણો સાબિત થાય છે કારણ કે, પોસ્ટમાં ભાજપના નેતા મનોજ તિવારીનો જે વીડિયો મૂકવામાં આવ્યો છે એ તાજેતરનો નહીં પરંતુ વર્ષ 2021 માં બનેલી ઘટનાનો છે. દિલ્હીમાં CM હાઉસની બહાર પ્રદર્શન સમયે પોલીસે વોટર કેનનનો ઉપયોગ કરતાં મનોજ તિવારી બેરિકેડ પરથી પડી ગયા હતા અને ઘાયલ થયા હતા તેનો આ વીડિયો છે. લોકોને ગેરમાર્ગે દોરવા માટે વીડિયોને ખોટી માહિતી સાથે સોશિયલ મીડિયા પર વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક ફેસબુક યુઝર દ્વારા 21 મે, 2024 ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયોના શીર્ષકમાં એવું લખવામાં આવ્યું છે કે, ઘૂંઘરું કી તરહ  પિટતા હિ રહા. આ વીડિયો સાથે એવો દાવો કરવામાં આવી રહ્યો છે કે, તાજેતરમાં ભાજપના નેતા મનોજ તિવારી પર હુમલો થયો અને તે ઘાયલ થયા તેનો આ વીડિયો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વીડિયોને ધ્યાનથી જોયા બાદ ગુગલ રિવર્સ ઈમેજનો સહારો લઈ સર્ચ કરતાં અમને ભાજપના નેતા મનોજ તિવારીના આજ ફોટો સાથેના સમાચાર ટીવી9 ગુજરાતી દ્વારા 12 ઓક્ટોમ્બર, 2021 ના રોજ પ્રસારિત કરવામાં આવ્યા હોવાની માહિતી પ્રાપ્ત થઈ હતી. જેમાં એવી માહિતી આપવામાં આવી હતી કે, CM હાઉસમાં છઠ પૂજા પર પ્રતિબંધના વિરોધમાં ભાજપના સાંસદ મનોજ તિવારી (Manoj Tiwari) ઘાયલ થયા હતા. આ વિરોધ પ્રદર્શન દરમિયાન ઘણા લોકોને ઈજાઓ થઈ છે. જણાવવામાં આવી રહ્યું છે કે વોટર કેનનથી પાણીનો મારો ચલાવતા સમયે મનોજ તિવારી બેરીકેડ પરથી પડી જવાથી ઘાયલ થયા છે.

અમારી વધુ તપાસમાં અમને આજ ફોટો, વીડિયો અને માહિતી સાથેના અન્ય સમાચાર પણ પ્રાપ્ત થયા હતા. જે તમે અહીં જોઈ શકો છો. hindi.news18.com | zeenews.india.com | india.com

આજ ઘટનાનું વર્ણન કરતી ટ્વિટ ભાજપ નેતા મનોજ તિવારી દ્વારા તેમના સત્તાવાર ટ્વિટર પર પણ 12 ઓક્ટોમ્બર, 2021 ના રોજ કરવામાં આવી હતી.

🙏 pic.twitter.com/DatfspdZss

— Manoj Tiwari (मोदी का परिवार) 🇮🇳 (@ManojTiwariMP) October 12, 2021

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં ભાજપના નેતા મનોજ તિવારીનો જે વીડિયો મૂકવામાં આવ્યો છે એ તાજેતરનો નહીં પરંતુ વર્ષ 2021 માં બનેલી ઘટનાનો છે. દિલ્હીમાં CM હાઉસની બહાર પ્રદર્શન સમયે પોલીસે વોટર કેનનનો ઉપયોગ કરતાં મનોજ તિવારી બેરિકેડ પરથી પડી ગયા હતા અને ઘાયલ થયા હતા તેનો આ વીડિયો છે. લોકોને ગેરમાર્ગે દોરવા માટે વીડિયોને ખોટી માહિતી સાથે સોશિયલ મીડિયા પર વાયરલ કરવામાં આવી રહ્યો છે.

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો)