શું ખરેખર પોસ્ટ સાથે શેર કરવામાં આવેલો વીડિયો તુર્કીમાં આવેલા ભૂકંપનો છે…? જાણો શું છે સત્ય….

હાલમાં તુર્કીમાં ભૂકંપના નામે સોશિયલ મીડિયા પર વાયરલ થયેલો આ વીડિયો અમેરિકાના ફ્લોરિડાનો 2 વર્ષ જૂનો છે.

મિડલ ઈસ્ટના ચાર દેશો તુર્કી, સીરિયા, લેબનોન અને ઈઝરાયેલમાં સોમવારે સવારે 7.8ની તીવ્રતાનો ભૂકંપ આવ્યો હતો. તુર્કી અને સીરિયામાં અત્યાર સુધીમાં 2300થી વધુ લોકોએ જીવ ગુમાવ્યા છે.

દરમિયાન, આ ભૂકંપના નામે સોશિયલ મીડિયા પર કેટલાક વીડિયો વાયરલ થઈ રહ્યા છે. પહેલા વીડિયોમાં જોઈ શકાય છે કે, થોડી જ સેકન્ડોમાં એક ઈમારત જમીન પર ધસી ગઈ હતી. દાવો કરવામાં આવી રહ્યો છે કે, “પોસ્ટ સાથે શેર કરવામાં આવેલો વીડિયો તુર્કીનો છે. જ્યાં 7.8ની તીવ્રતાના ભૂકંપના કારણે એક ઈમારત ધરાશાયી થઈ હતી.”

શું દાવો કરવામાં આવી રહ્યો છે.?

Connect Gujarat નામના ફેસબુક યુઝર દ્વારા તારીખ 06 ફેબ્રુઆરી 2023ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “પોસ્ટ સાથે શેર કરવામાં આવેલો વીડિયો તુર્કીનો છે. જ્યાં 7.8ની તીવ્રતાના ભૂકંપના કારણે એક ઈમારત ધરાશાયી થઈ હતી.”

Facebook | Fb post Archive | Fb video archive

FACT CHECK

વાયરલ વિડિયોની સત્યતા જાણવા માટે અમે ગૂગલ રિવર્સના માધ્યમથી સર્ચ કરતા અમને પરિણામ પ્રાપ્ત થયા હતા.

ઉપરોક્ત પરિણામો પરથી અમને nbcmiami.com નામની વેબસાઇટ પર સમાચાર સાથે આ વિડિયો પ્રાપ્ત થયો હતો.  જે અહેવાલ અનુસાર 24 જૂન, 2021નો આ વીડિયો અમેરિકાના ફ્લોરિડાનો છે. જ્યાં 12 માળની ઈમારત થોડી જ સેકન્ડોમાં ધરાશાયી થઈ ગઈ. આ અકસ્માતમાં એક વ્યક્તિનું મોત થયું હતું અને 35 લોકોને સુરક્ષિત બચાવી લેવાયા હતા. 

NBC Miami | Archive

તેમજ ABC ન્યુઝ દ્વારા પણ તેમની ઓફિશિયલ યુટ્યુબ ચેનલ પર વીડિયો પ્રસારિત કરવામાં આવ્યો હતો. જે તમે નીચે જોઈ શકો છો.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, હાલમાં તુર્કીમાં ભૂકંપના નામે સોશિયલ મીડિયા પર વાયરલ થયેલો આ વીડિયો અમેરિકાના ફ્લોરિડાનો 2 વર્ષ જૂનો છે, હાલની ભૂકંપની ઘટના સાથે તેને કોઈ લેવા-દેવા નથી.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)