નેપાળ ભૂકંપના વીડિયોને કચ્છ ભૂકંપના વીડિયોના નામે શેર કરવામાં આવી રહ્યો… જાણો શું છે સત્ય….

પોસ્ટ સાથે શેયર કરવામાં આવેલો વીડિયો વર્ષ 2001ના કચ્છના ભૂકંપનો નહીં પરંતુ વર્ષ 2015માં નેપાળમાં આવેલા ભૂકંપનો વીડિયો છે. 

26 જાન્યુઆરી 2001ના ગુજરાતના કચ્છમાં વિનાશકારી ભૂકંપ આવ્યો હતો, જેના કારણે હજારો લોકો બેઘર થયા હતા તેમના મોત પણ થયા હતા. આ ઘટનાને દર વર્ષે 26 જાન્યુઆરીના યાદ કરવામાં આવે છે. આ જ પૃષ્ટભૂમિ પર એક વીડિયો સોશિલ મીડિયામાં વાયરલ થઈ રહ્યો છે. જેમાં રોડ પર ચાલી રહેલા વાહનો અચાનક રોકાય જાય છે અને ભૂકંપના દ્રશ્યો જોઈ શકાય છે. આ વિડિયોને શેર કરીને દાવો કરવામાં આવી રહ્યો છે કે, “પોસ્ટ સાથે શેયર કરવામાં આવેલો વીડિયો 26 જાન્યુઆરી 2001માં કચ્છમાં આવેલા ભૂકંપનો છે.”

શું દાવો કરવામાં આવી રહ્યો છે.?

Bharat Dholu નામના ફેસબુક યુઝર દ્વારા તારીખ 26 જાન્યુઆરી 2023ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “પોસ્ટ સાથે શેયર કરવામાં આવેલો વીડિયો 26 જાન્યુઆરી 2001માં કચ્છમાં આવેલા ભૂકંપનો છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે વીડિયોને ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.

ઉપરોક્ત પરિણામ પરથી અમને સમાન વીડિયો પ્રાપ્ત થયો હતો. જે વર્ષ 2015માં અપલોડ કરવામાં આવ્યો હતો. જેની સાથે માહિતી આપવામાં આવી હતી કે, “25 એપ્રિલ 2015ના રોજ નેપાળમાં આવેલા ભૂકંપ દરમિયાન ત્રિપુરેશ્વર ચોકના CCTV ફૂટેજ.” તેમજ આ ઓરિજનલ સીસીટીવી ફૂટેજમાં સમય અને તારીખ પણ વાંચવા મળે છે.

ARCHIVE

તેમજ વધુ સર્ચ કરતા અમને India todayનો અહેવાલ પણ પ્રાપ્ત થયા હતા. જેમાં માંહિતી આપવામાં આવી હતી કે, “આ વીડિયો 25 એપ્રિલ 2015નો છે. 2015માં નેપાળમાં આવેલા 7.8ની તીવ્રતાના ભૂકંપમાં લગભગ 9,000 લોકો માર્યા ગયા હતા અને હજારો લોકો ઘાયલ થયા હતા. ધરતીકંપે વિનાશનું પગેરું પણ છોડી દીધું હતું અને કાઠમંડુ અને તેની આસપાસના ઘણા વિસ્તારોમાં વિનાશ કર્યો હતો. તે વર્ષે ભૂટાન, તિબેટ અને બાંગ્લાદેશના ભાગોમાં પણ ભૂકંપ અનુભવાયો હતો. તેમજ વધુ માહિતી આપતા જણાવવામાં આવ્યુ હતુ કે, આ વીડિયો ત્રિપુરેશ્વર ચાઉન ખાતે લેવામાં આવ્યો હતો અને જે પ્રતિમાને તોડી પાડવામાં આવી હતી તે દિવંગત રાજા ત્રિભુવન શાહની હતી.”

તેમજ ત્રિપુરેશ્વર ચોકના ગુગલ સ્ટ્રીટ વ્યૂ સાથે વાયરલ વીડિયોની સરખામણીએ પુષ્ટિ મળી છે કે વીડિયો ખરેખર એ જ સર્કલનો છે.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો ગુજરાતના કચ્છના ભૂકંપનો નહીં પરંતુ નેપાળના કાઠમંડુ ત્રિપુરેશ્વર ચોકનો આ વિડિયો છે. જે નેપાળમાં એપ્રિલ 2015ના ભૂકંપનો વીડિયો છે જેમાં લગભગ 9,000 લોકો માર્યા ગયા હતા.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)