પોસ્ટ સાથે શેર કરવામાં આવેલો વીડિયો લંડનના વિમાન ક્રેશનો નહીં પરંતુ સાઉથ આફ્રિકામાં એર શો દરમિયાન થયેલા પ્લેન ક્રેશનો વીડિયો છે. આ વીડિયોને ભ્રામક દાવા સાથે વાયરલ કરવામાં આવી રહ્યો છે.
લંડનમાં ઉડાન ભરતાંવેંત પ્લેન ક્રેશ થયું છે. લંડનના સાઉથેન્ડ એરપોર્ટ પર એક નાનું વિમાન ક્રેશ થયું છે. આ ક્રેશ સાંજે 4 વાગ્યાની આસપાસ થયો હતો. પ્રારંભિક અહેવાલો અનુસાર, કિંગ એર B-200 વિમાન ઉડાન ભરતાંની સાથે જ અકસ્માતનો ભોગ બન્યું હતું. એવું માનવામાં આવે છે કે આ વિમાન નેધરલેન્ડ્સ જઈ રહ્યું હતું. આ પૃષ્ટભૂમિ પર એક વીડિયો સોશિયલ મીડિયામાં વાયરલ થઈ રહ્યો છે. જેમાં એક વિમાન લાઈવ ક્રેશ થતુ જોઈ શકાય છે. આ વીડિયોને શેર કરીને દાવો કરવામાં આવી રહ્યો છે કે, “લંડનમાં જે પ્લેન ક્રેશ થયુ તેનો આ લાઈવ વીડિયો છે.”
શું દાવો કરવામાં આવી રહ્યો છે.?
સોશિયલ મીડિયા યુઝર્સ દ્વારા તારીખ 14 જૂલાઈ 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “લંડનમાં જે પ્લેન ક્રેશ થયુ તેનો આ લાઈવ વીડિયો છે.”
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.
ઉપરોક્ત પરિણામો પરથી અમને આ વીડિયો એસોશિયટ પ્રેસની ઓફિશિયલ યુટ્યુબ ચેનલ પર પ્રાપ્ત થયો હતો. જે 23 માર્ચ 2025ના અપલોડ કરવામાં આવ્યો હતો. જેની સાથે માહિતી આપવામાં આવી હતી કે, “શનિવારે દક્ષિણ આફ્રિકાના સલ્દાન્હામાં વેસ્ટ કોસ્ટ એર શો દરમિયાન વિમાન ક્રેશ થતાં એક પાઇલટનું મૃત્યુ થયું.”
તેમજ આ જ માહિતી સાથે એન઼ડીટીવી વર્લ્ડ દ્વારા આ વીડિયોને પ્રસારિત કર્યો હતો. જે તમે નીચે જોઈ શકો છો.
તેમજ વધુ સર્ચ કરતા અમને ન્યુયોર્ક પોસ્ટ દ્વારા પ્રસારિત અહેવાલ પ્રાપ્ત થયો હતો. જેની સાથે માહિતી આપવામાં આવી હતી કે, “વેસ્ટ કોસ્ટ સાલ્દાન્હા બે એર શોએ એક નિવેદનમાં જણાવ્યું હતું કે, ઇમ્પાલા માર્ક 1 માં તેમના અંતિમ દાવપેચમાંથી એકને ખેંચવાનો પ્રયાસ કરતી વખતે ટેસ્ટ પાઇલટ જેમ્સ ઓ’કોનેલ અચાનક ઊંચાઈ ગુમાવી દીધા પછી તેનું મૃત્યુ થયું હતું, જ્યારે તે ઘાસવાળા વિસ્તારમાં ઘુસી ગયો હતો. હૃદયદ્રાવક ફૂટેજમાં તે ક્ષણ દર્શાવવામાં આવી છે જ્યારે “અત્યંત કુશળ” પાઇલટ દ્વારા સંચાલિત એક વિમાન નાકમાં ડૂબકી મારીને ક્રેશ થયું હતું, જેનાથી શનિવારે હજારો દર્શકો ભયભીત થઈ ગયા હતા.”
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો લંડનના વિમાન ક્રેશનો નહીં પરંતુ સાઉથ આફ્રિકામાં એર શો દરમિયાન થયેલા પ્લેન ક્રેશનો વીડિયો છે. આ વીડિયોને ભ્રામક દાવા સાથે વાયરલ કરવામાં આવી રહ્યો છે.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:Fact Check: શું ખરેખર લંડનમાં પ્લેન ક્રેશ થયુ તેનો લાઈવ વીડિયો છે…? જાણો શું છે સત્ય….
Fact Check By: Frany KariaResult: False
