હાલમાં એક વીડિયો સોશિયલ મીડિયા પર ખૂબ જ વાયરલ થઈ રહ્યો છે. વીડિયોમાં જોવા મળે છે કે, એક જંગલ સફારીમાં બે સિંહ દ્વારા અન્ય પશુઓ પર હુમલો કરવામાં આવી રહ્યો હોવાનું જોઈ શકાય છે. આ વીડિયોને શેર કરીને દાવો કરવામાં આવી રહ્યો છે કે, “આ જંગલ સફારી દરમિયાનનો સિંહના હુમલાનો વીડિયો ગુજરાતના ગીરનો છે.”
શું દાવો કરવામાં આવી રહ્યો છે.?
સોશિયલ મીડિયા યુઝર્સ દ્વારા તારીખ 04 જૂલાઈ 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “આ જંગલ સફારી દરમિયાનનો સિંહના હુમલાનો વીડિયો ગુજરાતના ગીરનો છે.”
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.
ઉપરોક્ત પરિણામો પરથી અમને લિઝા રેડ્ડી નામની યુટ્યુબ ચેનલ પર ઓરિજનલ વીડિયો પ્રાપ્ત થયો હતો. જે 17 ઓગસ્ટ 2014ના અપલોડ કરવામાં આવ્યો હતો. જેની સાથે માહિતી આપવામાં આવી હતી કે, કેન્યામાં આવેલી મારા સફારીનો આ ઓગસ્ટ 2014નો વીડિયો છે. જે તમે નીચે જોઈ શકો છો.
તેમજ અમારી પડતાલને મજબૂત કરવા અમે જૂનાગઢ ફોરેસ્ટ અધિકારીનો સંપર્ક સાધ્યો હતો. જેમણે પણ અમને જણાવ્યુ હતુ કે, આ વીડિયોમાં જે જમીન જોઈ શકાય છે તે પ્રકારની કોઈ જમીન ગુજરાતના ગીરમાં આવેલી નથી. આ જમીન તેમજ સિંહ બંને આફ્રિકાના હોવાનુ જણાઈ રહ્યુ છે. આ વીડિયો ગુજરાતના ગીરનો નથી.
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો ગુજરાતના ગીરનો નહીં પરંતુ કેન્યામાં આવેલી મારા સફારીનો છે. આ વીડિયોને ભ્રામક દાવા સાથે શેર કરવામાં આવી રહ્યો છે.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:શું ખરેખર સિંહના હુમલાનો આ વીડિયો ગુજરાતના ગીરનો છે…? જાણો શું છે સત્ય….
Fact Check By: Frany KariaResult: False
