પહેલગામ પર થયેલા આંતકી હુમલા બાદ સમગ્ર દેશમાં રોષ ફેલાયો છે, ત્યારે હાલમાં એક વીડિયો વાયરલ થઈ રહ્યો છે, જેમાં બે સૈન્ય અધિકારીઓ દ્વારા મિસાઈલ દ્વારા એક સ્થળને નાબૂદ કરવામાં આવી રહ્યુ છે, આ વીડિયોને શેર કરીને દાવો કરવામાં આવી રહ્યો છે કે, “પહેલગામ હુમલા બાદ ભારતીય સેના દ્વારા કરવામાં આવેલી કાર્યવાહીનો આ વીડિયો છે.”
શું દાવો કરવામાં આવી રહ્યો છે.?
સોશિયલ મીડિયા યુઝર્સ દ્વારા તારીખ 29 એપ્રિલ 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “પહેલગામ હુમલા બાદ ભારતીય સેના દ્વારા કરવામાં આવેલી કાર્યવાહીનો આ વીડિયો છે.”
Facebook | Fb post Archive | Fb video archive
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા. ઉપરોક્ત પરિણામો પરથી અમને 15 સપ્ટેમ્બર 2024ના ટ્વીટર પર અપલોડ કરવામાં આવેલો આ જ વીડિયો પ્રાપ્ત થયો હતો. જે તમે નીચે જોઈ શકો છો.
તેમજ વધુ સર્ચ કરતા અમને આ જ વીડિયો 4 એપ્રિલ 2021ના ફેસબુક પેજ પર પ્રાપ્ત થયો હતો. જે તમે નીચે જોઈ શકો છો.
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો હાલનો નહિં પરંતુ ઓછામાં ઓછા 4 વર્ષ જુનો છે. હાલમાં પહેલગામમાં થયેલા આંતકવાદી હુમલા બાદનો વીડિયો નથી.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:શું ખરેખર ભારતીય આર્મી દ્વાર પહેલગામ હુમલા બાદની કાર્યવાહીનો વીડિયો છે…? જાણો શું છે સત્ય….
Fact Check By: Frany KariaResult: Misleading
