પશ્ચિમ બંગાળમાં પોલીસ પર પથ્થરમારો કરતા ટોળાનો જૂનો વીડિયો વાયરલ…જાણો શું છે સત્ય….

પશ્ચિમ બંગાળના મુર્શિદાબાદમાં થયેલી હિંસા બાદ સુરક્ષા ગાર્ડ પર પથ્થરમારો કરતા ટોળાનો એક વીડિયો સોશિયલ મીડિયા પર વાયરલ થઈ રહ્યો છે.

જેને શેર કરીને દાવો કરવામાં આવી રહ્યો છે કે,“પશ્ચિમ બંગાળમાં હાલમાં જમાતે સુરક્ષા ગાર્ડ પર પથ્થરમારો કર્યો તેનો વીડિયો છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 23 એપ્રિલ 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “પશ્ચિમ બંગાળમાં હાલમાં જમાતે સુરક્ષા ગાર્ડ પર પથ્થરમારો કર્યો તેનો વીડિયો છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા. 

ઉપરોક્ત પરિણામો પરથી અમને જાણવા મળ્યુ હતુ કે વાયરલ વીડિયો 5 વર્ષ પહેલાનો હતો.

ઇન્ડિયન એક્સપ્રેસે 29 એપ્રિલ, 2020ના રોજ તેના ટ્વિટર એકાઉન્ટ પર આ જ વીડિયો શેર કર્યો હતો.

Archive

શું છે આખી ઘટના?

પોલીસને માહિતી મળી હતી કે પશ્ચિમ બંગાળના હાવડા જિલ્લાના ટિકિયાપારા વિસ્તારમાં ઘણા લોકો લોકડાઉનના નિયમોનું ઉલ્લંઘન કરી રહ્યા છે. આ પૃષ્ઠભૂમિમાં, 29 એપ્રિલ, 2020ના રોજ, આ વિસ્તારમાં પોલીસ કોરોના વાયરસના ફેલાવાને રોકવા માટે લોકડાઉન લાગુ કરી રહી હતી. જ્યારે નાગરિકોને તેમના ઘરે પાછા ફરવાનું કહેવામાં આવ્યું, ત્યારે ટોળાએ પોલીસ પર હુમલો કર્યો અને પથ્થરમારો કર્યો. આમાં બે અધિકારીઓ ઘાયલ થયા હતા.

આ ઘટના બાદ પોલીસ પર હુમલો કરનારા ઓછામાં ઓછા 10 શંકાસ્પદોની ધરપકડ કરવામાં આવી હતી. તમે વધુ માહિતી અહીં વાંચી શકો છો.

Mumbai Mirror | Archive

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, વાયરલ વીડિયો હાલનો નથી પણ 5 વર્ષ પહેલાનો છે. વર્ષ 2020માં પશ્ચિમ બંગાળમાં લોકડાઉનનો અમલ કરાવતી પોલીસ પર ટોળાએ પથ્થરમારો કર્યો હતો. આ વીડિયો ભ્રામક દાવા સાથે વાયરલ થઈ રહ્યો છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)