શું ખરેખર ચિનાબ રેલવે બ્રિજ પર ટ્રેનનો ટ્રાયલ રન કરવામાં આવ્યો…? જાણો શું છે સત્ય….

વીડિયોમાં જોવા મળતો બ્રિજ ચિનાબ રેલ બ્રિજ નહીં પરંતુ ચીનનો બેઈપાંજિયાંગ રેલવે બ્રિજ છે. ચિનાબ બ્રિજ હોવાની વાત તદ્દન ખોટી છે.

ચિનાબ રેલ બ્રિજના નામનો એક વીડિયો સોશિયલ મીડિયા પર વાયરલ થઈ રહ્યો છે. આમાં જોઈ શકાય છે કે ટ્રેન નદીની ઉપર બે પહાડોની વચ્ચે બનેલા એક પુલ પરથી પસાર થઈ રહી છે. આ વીડિયોને શેર કરીને દાવો કરવામાં આવી રહ્યો છે કે, “આ વીડિયો જમ્મુ-કાશ્મીરમાં ચિનાબ નદી પર બની રહેલા રેલવે બ્રિજ પર ટ્રેનનો ટ્રાયલ રન કરવામાં આવ્યો તેનો છે.”

શું દાવો કરવામાં આવી રહ્યો છે.?

Hitesh Patel નામના ફેસબુક યુઝર દ્વારા તારીખ 26 માર્ચ 2023ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “આ વીડિયો જમ્મુ-કાશ્મીરમાં ચિનાબ નદી પર બની રહેલા રેલવે બ્રિજ પર ટ્રેનનો ટ્રાયલ રન કરવામાં આવ્યો તેનો છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ અમે ગૂગલ પર તેની કી ફ્રેમ્સ રિવર્સ સર્ચ કરી. શોધ પરિણામમાં, અમને વિકિપીડિયા સહિત અનેક ચીની મીડિયા પ્લેટફોર્મ પર વિડીયોમાં જોવા મળતા પુલની ફોટો જોવા મળી હતી.

મીડિયા અહેવાલ અનુસાર, આ ફોટો ચીનના ગુઇઝોઉ પ્રાંતમાં બનેલા બેઇપાંજિયાંગ રેલ્વે બ્રિજનો છે. આ પુલ 468.20 મીટર લાંબો છે. પુલ અને નદીની સપાટી વચ્ચેની ઊંચાઈ 280 મીટર છે. Beipanjiang બ્રિજ વિશ્વમાં રેલ્વેનો નંબર 1 રેલ્વે કોંક્રીટ કમાન પુલ છે. 

Media reports 

તપાસ દરમિયાન અમને ચીનની વેબસાઈટ પર બેઈપાંજિયાંગ રેલવે બ્રિજનો વીડિયો પણ મળ્યો.

Bing maps પર સર્ચ કરતા અમને આ પુલ ચીનના લિઉપાંશુઇમાં આવેલો હોવાનું જાણવા મળ્યુ હતુ.

ચિનાબ રેલ્વે બ્રિજ જમ્મુ અને કાશ્મીરના રિયાસી જિલ્લામાં બક્કલ અને કૌરી વચ્ચે બનેલો સ્ટીલ અને કોંક્રીટનો કમાન પુલ છે અને તે વિશ્વનો સૌથી ઉંચો સિંગલ-કમાન રેલ્વે બ્રિજ છે. અમે ટ્વિટર પર રેલવે મંત્રાલય દ્વારા શેર કરવામાં આવેલા વિઝ્યુઅલ્સ સાથે વાયરલ તસવીરની સરખામણી કરી.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, વીડિયોમાં જોવા મળતો બ્રિજ ચિનાબ રેલ બ્રિજ નહીં પરંતુ ચીનનો બેઈપાંજિયાંગ રેલવે બ્રિજ છે. ચિનાબ બ્રિજ હોવાની વાત તદ્દન ખોટી છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)