શું ખરેખર પુણેમાં પાકિસ્તાન વિરૂદ્ધ પોસ્ટર લગાવવા બદલ હુમલો કરવામાં આવ્યો…? જાણો શું છે સત્ય….

પુણેમાં હોર્ન વગાડવા બદલ થયેલી માથાકુટના વીડિયોને ભ્રામક દાવા સાથે શેર કરવામાં આવી રહ્યો છે.

પહેલગામ આતંકવાદી હુમલા પછી ભારત અને પાકિસ્તાન વચ્ચે તણાવ વધી રહ્યો છે, ત્યારે સમગ્ર દેશમાં પાકિસ્તાનનો વિરૂદ્ધ થઈ રહ્યો છે ત્યારે હાલમાં એક વીડિયો વાયરલ થઈ રહ્યો છે જેમાં એક ગ્રુપ બીજા ગ્રુપ પર હુમલો કરતો જોવા મળે છે, આ વીડિયોને શેર કરીને દાવો કરવામાં આવી રહ્યો છે કે, “પાકિસ્તાન વિરૂદ્ધ પોસ્ટર લગાવ્યા બાદ પુણેમાં એક હિન્દુ પરિવાર પર એક જૂથ દ્વારા હુમલો કરવામાં આવ્યો હતો.“

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 02 મે 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “પાકિસ્તાન વિરૂદ્ધ પોસ્ટર લગાવ્યા બાદ પુણેમાં એક હિન્દુ પરિવાર પર એક જૂથ દ્વારા હુમલો કરવામાં આવ્યો હતો.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને 29 એપ્રિલના રોજ Crime Tak દ્વારા પ્રકાશિત એક અહેવાલ મળ્યો, જેમાં આ વીડિયો વિશે માહિતી આપવામાં આવી હતી કે, “આ ઘટના પુણેના વ્યસ્ત ભવાની પેઠ વિસ્તારમાં બની હતી, જ્યા એક ટુ-વ્હીલર સવારે રસ્તો ક્રોસ કરી રહેલા રાહદારીને હોર્ન વગાડ્યો, જેણે પછી સવારનો સામનો કર્યો. આ ટૂંક સમયમાં જ બોલાચાલીમાં ફેરવાઈ ગયું.” 

જે ક્લુના આધારે વધારે સર્ચ કરતા અમને લોકમત ટાઈમ્સના અહેવાલ મુજબ, 27 એપ્રિલના હર્ષ કેશવાની સાંકડી ગલીમાંથી પસાર થતી વખતે પોતાની બાઈકનું હોર્ન વગાડતા હતા ત્યારે શોએબ ઉમર સૈયદ જે રસ્તા પર પોતાની ઓટો-રિક્ષા પાર્ક કરીને માલ ઉતારી રહ્યો હતો, તે આનાથી ગુસ્સે થયો. તેણે કથિત રીતે હર્ષ સાથે દુર્વ્યવહાર કર્યો અને તેના પર શારીરિક હુમલો કર્યો. જ્યારે તેનો ભાઈ કરણ, તેની બહેન નિકિતા અને તેમના દાદા ભરત ત્યાં પહોંચ્યા અને શોએબનો સામનો કર્યો, ત્યારે તેણે અને તેના સાથીઓએ પરિવાર પર હુમલો કર્યો. 

Archive 

તેમજ વધુ સર્ચ કરતા અમને પુણે મિરરનો અહેવાલ પ્રાપ્ત થયો હતો. જેની સાથે માહિતી આપવામાં આવી હતી કે, શોએબે કથિત રીતે હર્ષના માથા પર પથ્થર માર્યો હતો અને તેને મારી નાખવાની ધમકી આપી હતી. હર્ષને સારવાર માટે હોસ્પિટલમાં લઈ જવામાં આવ્યો હોવાના અહેવાલ છે. અન્ય લોકો પણ ઘાયલ થયા હતા. તેમણે દાવો કર્યો હતો કે શોએબે તેમનું ઘર બાળી નાખવાની ધમકી પણ આપી હતી.

Archive 

તેમજ વધુ સર્ચ કરતા અમને પુણેકર ન્યૂઝનો અહેવાલ પ્રાપ્ત થયો હતો. જેની સાથે માહિતી આપવામાં આવી હતી કે, કરણ લલિત કેશવાની દ્વારા ખડક પોલીસ સ્ટેશનમાં નોંધાવવામાં આવેલી ફરિયાદ બાદ પોલીસે આરોપી શોએબની અટકાયત કરી અને તેના અને અન્ય અજાણ્યા સાથીઓ વિરૂદ્ધ હત્યાના પ્રયાસનો કેસ નોંધ્યો.

Archive

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો હોર્ન વગાડવા બાબતે થયેલી માથાકુટનો વીડિયો છે. આ વીડિયોને હાલમાં થયેલા પહલગામ હુમલા સાથે કોઈ લેવા-દેવા નથી. આ વીડિયોને ભ્રામક દાવા સાથે શેર કરવામાં આવી રહ્યો છે. 

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)