તાજેતરમાં સોશિયલ મીડિયા પર એક વીડિયો વાયરલ થયો હતો જેમાં લીલા રંગની જર્સી પહેરેલા અને લીલા ઝંડા પકડીને રસ્તાની વચ્ચે સૂત્રોચ્ચાર કરતા લોકોનો સમૂહ જોવા મળ્યો હતો. વીડિયો શેર કરતા યુઝર્સે દાવો કર્યો હતો કે, “આ વીડિયો કેરળનો છે અને લોકો પાકિસ્તાનને સમર્થન આપી રહ્યા છે.”
શું દાવો કરવામાં આવી રહ્યો છે.?
સોશિયલ મીડિયા યુઝર્સ દ્વારા તારીખ 28 એપ્રિલ 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “આ વીડિયો કેરળનો છે અને લોકો પાકિસ્તાનને સમર્થન આપી રહ્યા છે.”
Facebook | Fb post Archive | Fb video archive
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
સૌપ્રથમ અમે વાયરલ વીડિયોમાંથી કેટલાક સ્ક્રીનશોટ લઈને અને રિવર્સ ઈમેજ સર્ચ કરીને અમારી તપાસ શરૂ કરી. આનાથી અમને ઈન્ડિયન યુનિયન મુસ્લિમ લીગ અરંગડીના ઓફિશિયલ ઈન્સ્ટાગ્રામ હેન્ડલ પર એક ઈન્સ્ટાગ્રામ પોસ્ટ મળી જ્યાં વાયરલ વીડિયો 25 એપ્રિલ 2025ના રોજ અપલોડ કરવામાં આવ્યો હતો. મલયાલમ કેપ્શનનો અનુવાદ વાંચે છે, “આટલા બધા મૂર્ખ લોકોને જોઈને દુઃખ થાય છે જેમને પાકિસ્તાનના ધ્વજ અને લીગના ધ્વજની પણ સમજ નથી. આ પ્રદર્શન શા માટે છે તેની ખાતરી થયા પછી જ ટિપ્પણી કરવાનો પ્રયાસ કરો. સાવચેત રહો.”
અમને આ જ વીડિયો 19 એપ્રિલના રોજ અપલોડ કરાયેલા મુસ્લિમ લીગ KL14ના ઇન્સ્ટાગ્રામ હેન્ડલ પર મળ્યો.
વીડિયોમાં લોકોના જર્સી પર “અરંગડી” શબ્દ સ્પષ્ટ રીતે લખાયેલો જોઈ શકાય છે.
વધુમાં, વીડિયોમાં દેખાતો ધ્વજ IUML નો ધ્વજ છે, પાકિસ્તાનનો નહીં. ઇન્ડિયન યુનિયન મુસ્લિમ લીગ (IUML) એક ભારતીય રાજકીય પક્ષ છે અને કેરળમાં કોંગ્રેસની આગેવાની હેઠળના ગઠબંધન, યુનાઇટેડ ડેમોક્રેટિક ફ્રન્ટ(UDF)નો ભાગ છે. પાકિસ્તાનના ધ્વજ અને IUMLના ધ્વજ વચ્ચેની સરખામણી નીચે જોઈ શકાય છે.
વધુ જાણવા માટે, અમે IUML ના અધિકારીઓનો સંપર્ક કર્યો. મુસ્લિમ યુથ લીગ કેરળ સ્ટેટ કમિટીના જનરલ સેક્રેટરી પીકે ફિરોસે જણાવ્યું હતું કે, “આ વીડિયો 16 એપ્રિલ, 2025ના રોજ કોઝિકોડમાં મુસ્લિમ લીગ દ્વારા આયોજિત સુન્ની વક્ફ રેલીનો છે. કાસરગોડ જિલ્લાના અરંગડીના કાર્યકરોએ કોઝિકોડ બીચ પર રેલી રજૂ કરી હતી. પાર્ટીના કાર્યકરો મુસ્લિમ લીગ અને પનક્કડ પરિવારની પ્રશંસા કરતા સૂત્રોચ્ચાર કરે છે, જેને કેરળમાં IUML ની સત્તા માનવામાં આવે છે. તે કહેવું સંપૂર્ણપણે ખોટું અને ભ્રામક છે કે તે પાકિસ્તાન તરફી રેલી છે. આ રેલીનો વાસ્તવમાં પાકિસ્તાન સાથે કોઈ સંબંધ નથી.
આનાથી સ્પષ્ટ થાય છે કે વાયરલ વીડિયોમાં, લોકો IUML નો ધ્વજ પકડીને અને “અરંગડી” લખેલી જર્સી પહેરીને બેઠા છે.
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, વાયરલ વીડિયોમાં દેખાતા લોકોએ પાકિસ્તાનનો ધ્વજ પકડ્યો ન હતો. તેમણે IUMLનો ધ્વજ પકડ્યો હતો અને ‘અરંગડી’ લખેલી જર્સી પહેરી હતી. આ વીડિયો 16 એપ્રિલ 2025ના રોજ કોઝિકોડમાં મુસ્લિમ લીગ દ્વારા આયોજિત સુન્ની વક્ફ રેલીનો છે.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:કેરળમાં મુસ્લિમ લીગના કાર્યકરોનો પાકિસ્તાન સમર્થક તરીકેનો વીડિયો વાયરલ… જાણો શું છે સત્ય….
Fact Check By: Frany KariaResult: False
