શું ખરેખર નીતિશ કુમારનો આ ફોટો લોકસભાની ચૂંટણીના પરિણામ બાદનો છે…? જાણો શું છે સત્ય….

આ વર્ષ 2023નો છે. હાલની લોકસભા ચૂંટણીના પરિણામ બાદનો હોવાની વાત તદ્દન ખોટી છે. 

લોકસભાની ચૂંટણીના પરિણામ બાદ કિંગ મેકર તરીકે જેડીયુ પાર્ટી આવી છે ત્યારે હાલમાં જેડીયુના અધ્યક્ષ અને બિહારના મુખ્યમંત્રી નીતિશ કુમારનો એક ફોટો સોશિયલ મીડિયામાં વાયરલ થઈ રહ્યો છે જેમાં નીતિશ કુમાર કોંગ્રેસના નેતા રાહુલ ગાંધી તેમજ અન્ય નેતાઓને મળી રહ્યા છે. જે ફોટોને શેર કરીને દાવો કરવામાં આવી રહ્યો છે કે, “નીતિશ કુમારનો રાહુલ ગાંધી તેમજ અન્ય નેતાઓ સાથેનો આ ફોટો લોકસભાની ચૂંટણી બાદનો છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 05 જૂન 2024ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “નીતિશ કુમારનો રાહુલ ગાંધી તેમજ અન્ય નેતાઓ સાથેનો આ ફોટો લોકસભાની ચૂંટણી બાદનો છે.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા. 

ઉપરોક્ત પરિણામો પરથી અમને ધ ન્યુ ઈન્ડિયન એખ્સપ્રેસનો 13 એપ્રિલ 2023નો એક અહેવાલ પ્રાપ્ત થયો હતો. જેની સાથે માહિતી આપવામાં આવી હતી કે, “કોંગ્રેસ નેતા રાહુલ ગાંધીએ બુધવારે નવી દિલ્હીમાં પાર્ટી અધ્યક્ષ મલ્લિકાર્જુન ખડગેના નિવાસસ્થાને બિહારના મુખ્યમંત્રી નીતિશ કુમારનું સ્વાગત કર્યું.”

The New Indian Express | Archive 

તેમજ અમે વધુ સર્ચ કરતા અમને ધ પ્રિન્ટની ઓફિશિયલ યુટ્યુબ ચેનલ પર આ મુલાકાતનો અંદરનો વીડિયો પ્રાપ્ત થયો હતો. જે તમે નીચે જોઈ શકો છો. જેની  સાથે માહિતી આપવામાં આવી હતી કે, “બિહારના સીએમ નીતિશ કુમાર અને ડેપ્યુટી સીએમ તેજસ્વી યાદવ આજે દિલ્હીમાં કોંગ્રેસ અધ્યક્ષ મલ્લિકાર્જુન ખડગે અને રાહુલ ગાંધીને મળ્યા હતા.” 

તેમજ અન્ય મીડિયા હાઉસ (ફ્રી પ્રેસ જનરલ, હિન્દુસ્તાન ટાઈમ્સ, ફાઈન્સાયલ એક્સપ્રેસ)  દ્વારા પણ આ જ ફોટો સાથે આ જ માહિતી આપતો અહેવાલ પ્રાપ્ત થયો હતો. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો નીતિશ કુમારનો અને રાહુલ ગાંધીનો ફોટો હાલનો નહીં પરંતુ એપ્રિલ 2023નો છે. લોકસભાની ચૂંટણીના પરિણામ બાદનો હોવાની વાત તદ્દન ખોટી છે. 

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)