યુપીના બસ્તીનો વીડિયો જામનગરના નામે વાયરલ કરવામાં આવી રહ્યો… જાણો શું છે સત્ય….

પોસ્ટ સાથે શેર કરવામાં આવેલો વીડિયો ગુજરાતના જામનગરનો નહીં પરંતુ ઉત્તર પ્રદેશના બસ્તીનો છે. જામનગરનો હોવાની વાત તદ્દન ખોટી છે.

હાલમાં એક વીડિયો સોશિયલ મીડિયા પર ખૂબ જ વાયરલ થઈ રહ્યો છે. વીડિયોમાં જોવામળે છે કે, એક વરરાજા સાથે એક મહિલા વાત કરી રહી છે અને આ વાતમાં મહિલા ઉગ્ર થતી જોઈ શકાય છે. આ વીડિયોને શેર કરીને દાવો કરવામાં આવી રહ્યો છે કે, “આ વીડિયો જામનગરનો છે જ્યા આ યુવાનના લગ્ન થઈ ગયા હોવા છતા બીજીવાર લગ્ન કરવા જતા પકડી પાડવામાં આવ્યો.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 20 નવેમ્બર 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “આ વીડિયો જામનગરનો છે જ્યા આ યુવાનના લગ્ન થઈ ગયા હોવા છતા બીજીવાર લગ્ન કરવા જતા પકડી પાડવામાં આવ્યો.”

Facebook 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે ગૂગલ પર કીવર્ડ સાથે સર્ચ કરતા અમને લાઈવ હિન્દુસ્તાનની ઓફિશિયલ યુટ્યુબ ચેનલ પર એક અહેવાલ પ્રાપ્ત થયો હતો. જેની સાથે માહિતી આપવામાં આવી હતી કે, “ઉત્તર પ્રદેશના બસ્તીમાં, એક પુરૂષે છૂટાછેડા લીધા વિના બીજા લગ્ન કરવાનો પ્રયાસ કર્યો, પરંતુ તેની પહેલી પત્નીએ સત્યનો પર્દાફાશ કર્યો.”

તેમજ વધુ સર્ચ કરતા અમને દૈનિક ભાસ્કર દ્વારા પ્રસારિત એક અહેવાલ પ્રાપ્ત થયો હતો. જેની સાથે માહિતી આપવામાં આવી હતી કે, “ઉત્તર પ્રદેશના બસ્તીમાં, બીજા લગ્ન કરવા જઈ રહેલા એક પુરુષની પત્નીએ ભારે હંગામો મચાવ્યો. તેણીએ પોલીસ સાથે સમારંભમાં ધસી આવી. જ્યારે માળા ચઢાવવાની વિધિ ચાલી રહી હતી, ત્યારે મહિલાએ વરરાજા પર પરિણીત હોવાનો આરોપ લગાવીને હોબાળો મચાવ્યો. તે રડી પડી. કન્યાના પરિવારે તેણીને શાંત પાડી. કારણ પૂછતાં તેણે કહ્યું, ‘મારા લગ્ન ત્રણ વર્ષ પહેલાં આ પુરુષ સાથે થયા હતા. મારી પાસે લગ્નના ફોટા, વીડિયો અને લગ્ન નોંધણી પ્રમાણપત્ર છે.’” 

Archive

નવભારત ટાઈમ્સ, જનસત્તા, જાગરણ સહિતના મીડિયા હાઉસ દ્વારા પણ આ અંગે વિસ્તૃત માહિતી આપતો અહેવાલ પ્રસારિત કરવામાં આવ્યા હતા.

પરિણામ 

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો ગુજરાતના જામનગરનો નહીં પરંતુ ઉત્તર પ્રદેશના બસ્તીનો છે. જામનગરનો હોવાની વાત તદ્દન ખોટી છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)