શું ખરેખર યુપીમાં લોકસભાના પરિણામ બાદ પાકિસ્તાનનો ઝંડો ફરકાવવામાં આવ્યો…? જાણો શું છે સત્ય….

વાયરલ વીડિયોમાં જે ધ્વજ ફરકાવવામાં આવી રહ્યો છે તે પાકિસ્તાની ધ્વજ નહીં પરંતુ ઈસ્લામિક ધ્વજ છે. પાકિસ્તાનનો ધ્વજ હોવાની વાત તદ્દન ખોટી છે.

લોકસભાની ચૂંટણીના પરિણામ જાહેર થયા બાદ હાલમાં સોશિયલ મીડિયામાં એક વીડિયો વાયરલ થઈ રહ્યો છે. જે વીડિયોમાં એક વ્યક્તિ લીલા કલરનો ધ્વજ ફરકાવતો જોવા મળે છે. આ વીડિયોને શેર કરીને દાવો કરવામાં આવી રહ્યો છે કે, “લોકસભાની ચૂંટણીના પરિણામ બાદ યુપીમાં પાકિસ્તાનનો ધ્વજ ફરકાવવામાં આવ્ચો.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 06 જૂન 2024ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “લોકસભાની ચૂંટણીના પરિણામ બાદ યુપીમાં પાકિસ્તાનનો ધ્વજ ફરકાવવામાં આવ્ચો.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ વાયરલ વિડિયોમાં લીલા ધ્વજને નજીકથી જોવામાં એક અર્ધચંદ્રાકાર ચંદ્ર, એક મોટો પાંચ-પોઇન્ટેડ તારો અને ઘણા નાના પાંચ-પોઇન્ટેડ તારાઓ દેખાય છે.

વધુ શોધ કરતાં જાણવા મળ્યું કે વીડિયોમાં જે લીલો ઝંડો દેખાય છે તે ઈસ્લામિક ધ્વજ છે.

Flipkart

પાકિસ્તાન એમ્બેસીની વેબસાઇટ અનુસાર, પાકિસ્તાનનો રાષ્ટ્રીય ધ્વજ સફેદ વર્ટિકલ પટ્ટા સાથે ઘેરો લીલો રંગનો છે, એક સફેદ અર્ધચંદ્રાકાર અને મધ્યમાં પાંચ-પોઇન્ટેડ સ્ટાર છે. પરંતુ, આ જગ્યાએ આ નાના તારાઓનો ક્યાંય ઉલ્લેખ નથી.

નીચે આપેલા તુલનાત્મક ફોટા જોઈને, તમે ઈસ્લામિક અને પાકિસ્તાની ધ્વજ વચ્ચેનો તફાવત જોશો.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, વાયરલ વીડિયોમાં જે ધ્વજ ફરકાવવામાં આવી રહ્યો છે તે પાકિસ્તાની ધ્વજ નહીં પરંતુ ઈસ્લામિક ધ્વજ છે. પાકિસ્તાનનો ધ્વજ હોવાની વાત તદ્દન ખોટી છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)