શું ખરેખર પોસ્ટમાં મૂકવામાં આવેલો વીડિયો મોડાસા ખાતેના પેટ્રોલપંપ પર બનેલી ઘટનાનો છે…? જાણો શું છે સત્ય….

તાજેતરમાં સોશિયલ મીડિયા પર પેટ્રોલપંપ પર એક બાઈકમાં અચાનક લાગેલી આગનો વીડિયો વાયરલ થઈ રહ્યો છે. આ વીડિયો સાથેના લખાણમાં એવો દાવો કરવામાં આવી રહ્યો છે કે, મોડાસા ખાતે એક પેટ્રોલપંપ પર બાઈકમાં અચાનક આગ લાગી તેનો આ વીડિયો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં બાઈકમાં અચાનક લાગેલી આગનો જે વીડિયો મૂકવામાં આવ્યો છે એ ભારતનો નહીં પરંતુ ઈજિપ્તના સાર્કિયા ખાતે બનેલી ઘટનાનો છે. આ વીડિયોને ભારત સાથે કોઈ જ સંબંધ નથી. આ વીડિયોને સોશિયલ મીડિયા પર ખોટી અને અધૂરી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

સાચા સંબંધો નામના ફેસબુક પેજ દ્વારા 17 મે, 2022 ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયોના શીર્ષકમાં એવું લખવામાં આવ્યું છે કે, *મોડાસા ગુજરાત ની ઘટના* *પેટ્રોલ પંપ પર ટુ વ્હીલર અને ફોર વ્હીલર લઈને જનારે આ રીતે પાઈપ ના ફસાઈ જાય તેનું અવશ્ય ધ્યાન રાખવું.* *Be careful* . પોસ્ટમાં મૂકવામાં આવેલા વીડિયો સાથેના લખાણમાં એવો દાવો કરવામાં આવી રહ્યો છે કે, મોડાસા ખાતે એક પેટ્રોલપંપ પર બાઈકમાં અચાનક આગ લાગી તેનો આ વીડિયો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વીડિયોનો એક સ્ક્રીનશોટ લઈને ગુગલ રિવર્સ ઈમેજના માધ્યમથી સર્ચ કરતાં અમને પોસ્ટમાં મૂકવામાં આવેલો આજ વીડિયો aldaleelnews.com દ્વારા પ્રસારિત કરવામાં આવેલા એક સમાચારમાં અપલોડ કરવામાં આવ્યો હોવાની માહિતી પ્રાપ્ત થઈ હતી. આ વીડિયો સાથે એવી માહિતી આપવામાં આવી હતી કે, ઈજિપ્તના સાર્કિયા ખાતેના એક પેટ્રોલપંપ પર બાઈકમાં અચાનક જ આગ લાગવાની ઘટના બની હતી તેનો આ વીડિયો છે.

Archive

ત્યાર બાદ અમે પોસ્ટમાં મૂકવામાં આવેલા વીડિયોમાં બોલવામાં આવતી ભાષાને ધ્યાનથી સાંભળતાં અમને એ માલૂમ પડ્યું હતું કે, આવી કોઈ ભાષા ગુજરાતમાં બોલાતી નથી.

આજ માહિતી સાથેના અન્ય સમાચાર પણ અમને પ્રાપ્ત થયા હતા. જે તમે અહીં જોઈ શકો છો. masralyoum.net | vetogate.com

આજ વીડિયો સાર્કિયાનો હોવાની માહિતી સાથે કેટલાક ફેસબુક યુઝર દ્વારા પણ શેર કરવામાં આવ્યો હતો. شبابيك | حوادث اليوم

અમારી તપાસને વધુ મજબૂત બનાવવા માટે અમે મોડાસાના સ્થાનિક નાગરિકો તેમજ સ્થાનિક પત્રકાર સાથે વાત કરતાં તેઓએ અમને જણાવ્યું હતું કે, “આ પ્રકારની કોઈ જ ઘટના મોડાસાના કોઈ જ પેટ્રોલપંપ પર બની હોય એવું અમારા ધ્યાનમાં નથી.”

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં બાઈકમાં અચાનક લાગેલી આગનો જે વીડિયો મૂકવામાં આવ્યો છે એ ભારતનો નહીં પરંતુ ઈજિપ્તના સાર્કિયા ખાતે બનેલી ઘટનાનો છે. આ વીડિયોને ભારત સાથે કોઈ જ સંબંધ નથી. આ વીડિયોને સોશિયલ મીડિયા પર ખોટી અને અધૂરી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.